ബെയ്ജിങ് : ഇറാനിലെ ഭരണമാറ്റത്തിനുള്ള യുഎസ് – ഇസ്രയേല് നീക്കങ്ങളില് മുന്നറിയിപ്പുമായി ചൈന. ഭരണമാറ്റത്തിനുള്ള നീക്കത്തിന് പൊതുജന പിന്തുണ ലഭിക്കില്ലെന്ന് ചൈനീസ് വിദേശകാര്യ മന്ത്രി വാങ് യീ പറഞ്ഞു. ഇറാന്റെ പരമാധികാരത്തെ മാനിക്കണമെന്നും സൈനിക നീക്കങ്ങള് അവസാനിപ്പിക്കണമെന്നും ചൈന മുന്നറിയിപ്പ് നല്കി. ലോകം കാട്ടുനീതിയിലേക്ക് നീങ്ങരുതെന്നാണ് വാങ് യീയുടെ മുന്നറിയിപ്പ്. മധ്യപൂര്വേഷ്യയിലെ സംഘര്ഷം ഒരിക്കലും ഉണ്ടാകരുതായിരുന്നെന്ന് ചൈന പറഞ്ഞു.
ആയത്തുല്ല അലി ഖമനേയി കൊല്ലപ്പെട്ടതിനേയും ചൈന അപലപിച്ചു. പരസ്പര ബഹുമാനത്തോടെയുള്ള തീരുമാനങ്ങളെയാണ് ചൈന പിന്തുണയ്ക്കുകയെന്നും വാങ് യീ കൂട്ടിച്ചേര്ത്തു. ചൈനയുടെ വാര്ഷിക പാര്ലമെന്ററി യോഗത്തിലായിരുന്നു പ്രതികരണം. യോഗത്തില് രാജ്യത്തെ പ്രധാനപ്പെട്ട നയതന്ത്രജ്ഞരാരും അമേരിക്കയെ നേരിട്ട് വിമര്ശിച്ചില്ല എന്നത് ശ്രദ്ധേയമാണ്.
