ന്യൂഡല്ഹി : ഇന്ത്യ 54 ചൈനീസ് ആപ്പ് കൂടി നിരോധിച്ചു. ബ്യുട്ടി ക്യാമറ, വിവ വീഡിയോ എഡിറ്റര്, ആപ്പ് ലോക്ക്, ഡ്യുവല് സ്പേസ് ലൈറ്റ്, അടക്കമുള്ള ആപ്പുകള് ആണ് നിരോധിച്ചത്. സുരക്ഷ കാരണങ്ങള് ചൂണ്ടിക്കാട്ടിയാണ് നിരോധനം. സെപ്റ്റംബറില് പബ്ജി, ലുഡോ അടക്കമുള്ള 118 ആപ്പുകള്ക്ക് കേന്ദ്ര സര്ക്കാര് നിരോധനം ഏര്പ്പെടുത്തിയിരുന്നു. ടിക്ക് ടോക്ക് അടക്കം 59 ആപ്പുകള് ജൂണിലും നിരോധിച്ചിരുന്നു. ദേശിയ സുരക്ഷയും, വ്യക്തി സ്വകാര്യതയും സംരക്ഷിക്കുക എന്നത് കൂടി ലക്ഷ്യമിട്ടാണ് കൂടുതല് ആപ്പുകള് നിരോധിക്കുന്നതെന്ന് ആഭ്യന്തര മന്ത്രാലയം അറിയിച്ചു.
