പന്തളം: മാതൃ രാജ്യത്തിനായി പടപൊരുതി സ്വജീവൻ പോലും ബലി നൽകിയ ധീരജവാന്മാർക്ക് കാർഗിൽ വിജയ ദിനത്തിൽ പന്തളം എൻഎസ്എസ് കോളേജിലെ പൂർവ്വ വിദ്യാർത്ഥികളുടെ കൂട്ടായ്മയായ ചിരാതിന്റെ നേതൃത്വത്തിൽ ശ്രദ്ധാഞ്ജലി സംഘടിപ്പിച്ചു.
കാർഗിൽ ബലിദാനി തുമ്പമൺ താഴം ഗണ്ണർ ജയകൃഷ്ണ കൈമളുടെയും കുടശ്ശനാട് ശൗര്യചക്ര ലെഫ്റ്റ്ണൽ കേണൽ സുജിത്ത് ബാബുവിനെയും സ്മൃതിമണ്ഡപത്തിൽ പുഷ്പാർച്ചനയും പുഷ്പചക്രവും അർപ്പിച്ചാണ് അംഗങ്ങൾ കാർഗിൽ വിജയദിനം ആഘോഷിച്ചത്. ചടങ്ങിൽ ചിരാത് പ്രസിഡന്റ് ബി. അഭിലാഷ്, സെക്രട്ടറി ശ്യാം, രക്ഷാധികാരി മനു, മീഡിയ കൺവീനർ അജിത് കൃഷ്ണൻ , ജില്ലാ കോഡിനേറ്റർ രാഹുൽ, ബ്ലഡ് കോഡിനേറ്റർ ആദർശ്, അംഗങ്ങളായ രതീഷ്, അശ്വിൻ, വിഷ്ണു, എന്നിവര് നേതൃത്വം നൽകി.
