റാന്നി : ക്രൈസ്തവമൂല്യങ്ങളും സാമൂഹിക പ്രതിബദ്ധതയും ക്രിസ്തു ദേവൻ സമൂഹത്തിനു നൽകിയ പ്രബോധനങ്ങളാണെന്ന് കൗൺസിൽ ഓഫ് ചർച്ചസ് ഇന്ത്യയുടെ ദേശിയ സെക്രട്ടറി പാസ്റ്റർ പി ജെ ചാക്കോ പറഞ്ഞു. ക്രിസ്ത്യൻ പ്രസ്സ് അസോസിയേഷന്റെ നേതൃത്വത്തിൽ അഞ്ചുകുഴി പ്രത്യാശ ഭവനിൽ നടന്ന കുടുംബ കൂട്ടായ്മയിൽ ക്രൈസ്തവ മൂല്യങ്ങളും സാമൂഹിക പ്രതിബദ്ധതയും എന്ന വിഷയം ആസ്പദമാക്കി സംസാരിക്കുകയായിരുന്നു അദ്ദേഹം.
തുടർന്ന് നടന്ന അനുമോദന സമ്മേളനം മുന് എം എൽ എ രാജു എബ്രഹാം ഉൽഘാടനം ചെയ്തു. റെജി താഴമൺ ആദ്യക്ഷത വഹിച്ചു. മീറ്റ് പ്രൊഡക്ട് ഓഫ് ഇന്ത്യയുടെ ഡയറക്ടർബോര്ഡ് അംഗമായി നിയമിക്കപ്പെട്ട കേരള കോൺഗ്രസ് (എം) നിയോജക മണ്ഡലം പ്രസിഡന്റ് ആലിച്ചൻ ആറൊന്നിൽ, മികച്ച സംരംഭകനായ കെ എം പുന്നൂസ്, പ്രശസ്ത ചിത്രകാരൻ വിനിഷ് ജേക്കബ്, എന്നിവരെ രാജു എബ്രഹാം ആദരിച്ചു.
സി പി എം ന്റെ സംസ്ഥാന കമ്മറ്റിഅംഗമായി തെരഞ്ഞെടുക്കപ്പെട്ട രാജു എബ്രഹാമിന് വേൾഡ് ക്രിസ്ത്യൻ ടി വി യുടെ പുരസ്കാരവും പൊന്നാടയും ആലിച്ചൻ ആറോന്നിൽ നൽകി ആദരിച്ചു. റാന്നി ഡി വൈ എസ് പി സന്തോഷ് കുമാർ, ഗ്രാമ പഞ്ചായത്ത് പ്രസിഡന്റ് അനിത അനിൽകുമാർ, പാസ്റ്റർ തോമസുകുട്ടി പുന്നൂസ്, സമദ് മേപ്രത്ത്, റവ .കൊച്ചു കോശി എബ്രഹാം, റവ .എ എസ് ബിജു, സജി നെല്ലുവേലിൽ, തോമസ് മാമ്മൻ, ബാജി രാധാ കൃഷ്ണൻ, ബിനോയി ഏബ്രഹാം, ചിത്രകാരി ഗ്രസ്സി ഫിലിപ്പ്, അലിയാർ എരുമേലി, ലാൽ വിളംമ്പരം, തുടങ്ങിയവർ പ്രസംഗിച്ചു.
