കൊച്ചി : ആലുവയിലെ മോഫിയ പര്വീന്റെ ആത്മഹത്യയില് സിഐ സി.എല് സുധീറിന് സസ്പെന്ഷന്. മുഖ്യമന്ത്രിയുടെ നേരിട്ടുള്ള ഉത്തരവ് പ്രകാരമാണ് നടപടി. പ്രതിപക്ഷ പ്രതിഷേധം കനക്കുന്നതിനിടെയാണ് സര്ക്കാര് നടപടി. സുധീറിനെതിരെ വകുപ്പുതല അന്വേഷണവും പ്രഖ്യാപിച്ചു. കൊച്ചി ട്രാഫിക് എസിപി അന്വേഷിക്കും. മോഫിയയുടെ പിതാവിന് മുഖ്യമന്ത്രി നടപടി ഉറപ്പു നല്കിയിരുന്നു. നടപടിയെ കോണ്ഗ്രസ് സ്വാഗതം ചെയ്തു. എന്നാല് വൈകിയെങ്കിലും സിഐയ്ക്കെതിരെ നടപടിയെടുത്തതില് സന്തോഷമെന്ന് ബെന്നി ബെഹനാന് എംപി പറഞ്ഞു. കോണ്ഗ്രസ് സമരം അവസാനിപ്പിച്ചു.
കുറ്റക്കാര്ക്കെതിരെ ശക്തമായ നടപടിയെടുക്കുമെന്ന് മോഫിയയുടെ പിതാവിന് മുഖ്യമന്ത്രി നേരിട്ട് ഉറപ്പ് നല്കിയിരുന്നു. മോഫിയയുടെ വീട്ടിലെത്തിയ മന്ത്രി പി.രാജീവ് ആണ് മുഖ്യമന്ത്രിയുടെ തീരുമാനം അറിയിച്ചത് തുടര്ന്ന് മുഖ്യമന്ത്രി പിണറായി വിജയന് മോഫിയയുടെ പിതാവ് ദില്ഷാദിനോട് ഫോണിലുടെ സംസാരിക്കുകയും കുറ്റക്കാര്ക്കെതിരെ ശക്തമായ നടപടി ഉണ്ടാകുമെന്ന് ഉറപ്പ് നല്കുകയും ചെയ്ത് ഏതാനും മണിക്കൂറുകള്ക്കുള്ളില് സിഐയെ സര്വീസില് നിന്ന് സസ്പെന്ഡ് ചെയ്ത് ഉത്തരവിടുകയുമായിരുന്നു. സിഐയുടെ ഭാഗത്ത് ഗുരുതര വീഴ്ച്ചയുണ്ടായി എന്ന് കഴിഞ്ഞ ദിവസം ഉന്നത ഉദ്യോഗസ്ഥര് മുഖ്യമന്ത്രിക്ക് റിപ്പോര്ട്ട് സമര്പ്പിച്ചിരുന്നു.
