കോന്നി : സിഐടിയു ജില്ലാ സമ്മേളനം സെപ്തംബർ 17, 18 തീയതികളിൽ കോന്നി മുരിങ്ങമംഗലം ശബരി ഓഡിറ്റോറിയത്തിൽ വെച്ച് നടക്കുന്നു. സമ്മേളനത്തിൻ്റെ വിജയത്തിനായി സ്വാഗത സംഘം രൂപീകരിച്ചു. കോന്നി വി ആർ ശിവരാജൻ സ്മാരക മന്ദിരത്തിൽ നടന്ന യോഗം സിപിഐ എം ജില്ലാ സെക്രട്ടറി കെ പി ഉദയഭാനു ഉദ്ഘാടനം ചെയ്തു. സിഐടിയു ജില്ലാ പ്രസിഡൻ്റ് കെ സി രാജഗോപാലൻ അധ്യക്ഷനായി.
ജില്ലാ സെക്രട്ടറി പി ജെ അജയകുമാർ, അഖിലേന്ത്യാ ജനറൽ കൗൺസിൽ അംഗം ആർ ഉണ്ണികൃഷ്ണപിള്ള, അഡ്വ.കെ യു ജനീഷ് കുമാർ എംഎൽഎ, സംസ്ഥാന കമ്മിറ്റി അംഗം എസ് ഹരിദാസ്, ജില്ലാ വൈസ് പ്രസിഡൻ്റ് എം വി സഞ്ജു, ജില്ലാ ജോയിൻ്റ് സെക്രട്ടറി. രവിന്ദ്രൻ ,സിപിഐ എം ഏരിയ സെക്രട്ടറി ശ്യാംലാൽ, കെ എസ് കെ ടി യു ജില്ലാ പ്രസിഡൻ്റ് പി എസ് കൃഷ്കുമാർ, ഡിവൈഎഫ്ഐ സംസ്ഥാന കമ്മിറ്റി അംഗം എം അനീഷ് കുമാർ, നിർമ്മാണ തൊഴിലാളി യൂണിയൻ ജില്ലാ വൈസ് പ്രസിഡൻ്റ് സംഗേഷ് ജി നായർ, കോപ്പറേറ്റീവ് എംപ്ലോയ്സ് യൂണിയൻ സംസ്ഥാന സെക്രട്ടറി പി ജി ഗോപകുമാർ ,കേരള പ്രവാസി സംഘം ജില്ലാ സെക്രട്ടറി രഘുനാഥ് ഇടത്തിട്ട എന്നിവർ സംസാരിച്ചു. സംസ്ഥാന കമ്മിറ്റി അംഗം മലയാലപ്പുഴ മോഹനൻ സ്വാഗതവും എം എസ് ഗോപിനാഥൻ നന്ദിയും പറഞ്ഞു. ശ്യാംലാൽ (ചെയർമാൻ) മലയാലപ്പഴ മോഹനൻ (കൺവീനർ) എന്നിവർ ഭാരവാഹികളായ 75 അംഗ എക്സിക്യൂട്ടീവ് കമ്മിറ്റിയെയും 501 അംഗ ജനറൽ കമ്മിറ്റിയെയും തെരഞ്ഞെടുത്തു.
