കോന്നി: കേരള സർക്കാരിന്റെ ഉന്നത വിദ്യാഭ്യാസ വകുപ്പിന്റെ കീഴിൽ പ്രവർത്തിക്കുന്ന കേരള സ്റ്റേറ്റ് സിവിൽ അക്കാദമിയിൽ ഫൗണ്ടേഷൻ ബാച്ച് 2026-ന് തുടക്കമായി. സിവിൽ സർവീസ് ഓഫീസറും ഇന്ത്യ റെയിൽവേ മന്ത്രാലയത്തിന്റെ മെമ്പർ സെക്രട്ടറിയുമായ ശ്രീ.ലിബിൻ രാജ് ബാച്ച് ഉദ്ഘാടനം ചെയ്തു. സ്കൂൾ പഠനകാലം മുതൽ തന്നെ സിവിൽ സർവീസ് പരീക്ഷ തയ്യാറെടുപ്പുകൾ ആരംഭിക്കേണ്ടതിന്റെ പ്രാധാന്യത്തെക്കുറിച്ച് അദ്ദേഹം വിദ്യാർത്ഥികളോട് വിശദീകരിച്ചു. ആറാം ക്ലാസ് മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികൾക്കാണ് സിവിൽ സർവീസ് പരിശീലനം നൽകുന്നത്. എല്ലാ ഞായറാഴ്ചകളിലും രാവിലെ പത്ത് മണി മുതൽ ഉച്ചയ്ക്ക് ഒരു മണി വരെ കോന്നി ഗവൺമെന്റ് ഹയർ സെക്കൻഡറി സ്കൂളിലാണ് പരിശീലന ക്ലാസുകൾ നടക്കുന്നത്.
സിവിൽ സർവീസ് ഉൾപ്പെടെ വിവിധ മത്സര പരീക്ഷകൾ ലക്ഷ്യമിടുന്ന പ്രത്യേകിച്ച് മലയോര മേഖലയിലെ വിദ്യാർത്ഥികൾക്ക് ഏറെ പ്രയോജനകരമായ പരിശീലനമാണിത്. വ്യക്തിത്വ വികസനം, പൊതുവിജ്ഞാനം, കറന്റ് അഫയേഴ്സ്, ഭാഷാ നൈപുണ്യം, ലോജിക്കൽ റീസണിംഗ് തുടങ്ങിയ മേഖലകളിലും വിദ്യാർത്ഥികൾക്ക് മികച്ച പരിശീലനം ലഭ്യമാക്കുന്നു. സിവിൽ സർവീസ് ഫൗണ്ടേഷൻ ബാച്ചിൽ ഏതാനും സീറ്റുകൾ ഒഴിവുണ്ട്. താൽപര്യമുള്ള വിദ്യാർത്ഥികൾ അഡ്മിഷന് 8281098872 എന്ന നമ്പറിൽ ബന്ധപ്പെടാവുന്നതാണ്
