പത്തനംതിട്ട: പ്രതിപക്ഷനേതാവ് രമേശ് ചെന്നിത്തല ആഹ്വാനം ചെയ്ത ക്ലീൻ ഹാൻസ് ചലഞ്ചിന് പത്തനംതിട്ട ജില്ലയിൽ ഉജ്ജ്വല തുടക്കം. രാജീവ് യൂത്ത് ഫൗണ്ടേഷൻ ജില്ലാ കമ്മറ്റിയുടെ നേതൃത്വത്തിൽ ജില്ലാ ആസ്ഥാനത്തടക്കം പത്ത് കേന്ദ്രങ്ങളിലാണ് ചലഞ്ചിന് തുടക്കമായത്. ഇതോടൊപ്പം കോവിഡ് 19 നെ പ്രതിരോധിക്കാനുള്ള മെഡിസിൻ കിറ്റുകളും വിതരണം ചെയ്തു. ജില്ലാതല ഉത്ഘാടനം സ്വകാര്യ ബസ്റ്റാന്റിലും ജനറൽ ആശുപത്രിയിലും ജില്ലാ കോൺഗ്രസ്സ് കമ്മറ്റി വൈസ് പ്രസിഡന്റ് വെട്ടൂർ ജ്യോതി പ്രസാദ് നിര്‍വഹിച്ചു.
ജില്ലാ ചെയർമാൻ നഹാസ് പത്തനംതിട്ട അദ്ധ്യക്ഷത വഹിച്ചു. ഡിസിസി ജനറൽ സെക്രട്ടറി ജോൺസൺ വിളവിനാൽ, തട്ടയിൽ ഹരികുമാർ, യൂത്ത് കോൺഗ്രസ്സ് ജില്ലാ ജനറൽ സെക്രട്ടറി ആരിഫ് ഖാൻ, ജിതിൻ മല്ലപ്പുഴശ്ശേരി , മനോഷ് കുമാർ, സ്റ്റാലിൻ മണ്ണൂരേത്ത് എന്നിവർ പരിപാടികള്‍ക്ക് നേതൃത്വം നൽകി. പ്രതിരോധ പ്രവർത്തനങ്ങളുടെ ആദ്യ ഘട്ടമായി 500 മാസ്ക്കുകൾ കഴിഞ്ഞ ദിവസം ജില്ലാ കളക്ടർക്ക് കൈമാറിയിരുന്നു. ശബരിമല ദർശനത്തിനു പോകുന്ന സ്വാമിമാരടക്കം നഗരസഭാ ബസ്റ്റാന്റിലെ കൊറോണ പ്രതിരോധ പ്രവർത്തനങ്ങളിൽ പങ്കാളികളായി.
