ന്യൂഡല്‍ഹി: അകാരണമായി അര മണിക്കൂര്‍ പോലീസ് സ്റ്റേഷനിലെ ലോക്കപ്പില്‍ കഴിയേണ്ടി വന്ന വ്യക്തിക്ക് 50,000 രൂപ നഷ്ടപരിഹാരം നല്‍കാന്‍ കോടതി വിധി. ഡല്‍ഹി പോലീസിനെതിരായ കേസില്‍ ഡല്‍ഹി ഹൈക്കോടതിയുടേതാണ് വിധി. പൊതുജനങ്ങളെ പോലീസ് ഉദ്യോഗസ്ഥര്‍ കൈകാര്യം ചെയ്യുന്ന രീതി ഞെട്ടിക്കുന്നതാണെന്നത് ഉള്‍പ്പെടെ ഗുരുതരമായ വിമര്‍ശനങ്ങളും വിധിന്യായത്തില്‍ ഉണ്ട്. കുറ്റക്കാരായ പോലീസുകാര്‍ക്ക് വ്യക്തമായ സന്ദേശം നല്‍കുന്നതിന് വേണ്ടി നഷ്ടപരിഹാരത്തുക അവരുടെ ശമ്പളത്തില്‍ നിന്ന് ഈടാക്കണമെന്നും ജസ്റ്റിസ് സുബ്രമണ്യം പ്രസാദിന്റെ വിധിയില്‍ പറയുന്നു.
പരാതിക്കാരന്റെ വ്യക്തിസ്വാതന്ത്ര്യം മാനിക്കാതെയും യാതൊരു തരത്തിലുള്ള വീണ്ടുവിചാരമില്ലാതെയും ഉദ്യോഗസ്ഥര്‍ പെരുമാറി. നിയമപ്രകാരം പാലിക്കേണ്ട ഒരു നടപടിക്രമവും പാലിക്കാതെ പരാതിക്കാരനെ നിസാരമായി പിടിച്ചുകൊണ്ടുവന്ന് യാതൊരു കാരണവും കൂടാതെ ലോക്കപ്പില്‍ അടയ്ക്കുകയായിരുന്നു. ലോക്കപ്പില്‍ കഴിയേണ്ടി വന്ന സമയം ചെറുതാണെന്നത് കൊണ്ട് നിയമപ്രകാരമുള്ള നടപടികള്‍ പാലിക്കാതെ അയാളുടെ വ്യക്തി സ്വാതന്ത്ര്യം അല്‍പനേരമെങ്കിലും ഹനിച്ച പോലീസ് ഉദ്യോഗസ്ഥരെ വെറുതെ വിടാനാവില്ലെന്നും ഒക്ടോബര്‍ അഞ്ചാം തീയ്യതി പുറപ്പെടുവിച്ച കോടതി വിധിയിലുണ്ട്.
പോലീസുകാര്‍ക്ക് സ്വന്തം നിലയില്‍ നിയമമായി മാറാനാവില്ലെന്ന വ്യക്തമായ സന്ദേശം ഉദ്യോഗസ്ഥര്‍ക്ക് നല്‍കണമെന്നാണ് കോടതിയുടെ അഭിപ്രായം. അര മണിക്കൂര്‍ നേരത്തേക്ക് മാത്രമാണ് നിയമവിരുദ്ധ തടങ്കല്‍ സംഭവിച്ചതെങ്കിലും അയാള്‍ക്ക് 50,000 രൂപ നഷ്ടപരിഹാരം നല്‍കണം. ഈ തുക കേസിലെ നാലും അഞ്ചും പ്രതികളായ പോലീസുകാരില്‍ നിന്ന് ഈടാക്കണമെന്നും ഉത്തരവില്‍ പറയുന്നു. ഒരു പച്ചക്കറി കച്ചവടക്കാരനും സ്ത്രീയും തമ്മിലുള്ള അടിപിടിയെക്കുറിച്ചുള്ള പരാതിയുടെ പേരിലാണ് തന്നെ നിയമവിരുദ്ധമായി ലോക്കപ്പില്‍ ഇട്ടതെന്ന് പരാതിക്കാരന്‍ ആരോപിച്ചു. ഇയാളുടെ അറസ്റ്റ് പോലും രേഖപ്പെടുത്താതെയായിരുന്നു ഇത്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
