കീക്കോഴൂർ : ജനവാസ മേഖലയിൽ ഭീതി പടർത്തി കോഴിക്കൂട്ടിൽ കയറി കോഴികളെ കൊന്ന കൂറ്റൻ മൂർഖൻ പാമ്പിനെ വനംവകുപ്പിന്റെ റാപ്പിഡ് റെസ്പോൺസ് ടീം പിടികൂടി. കീക്കോഴൂർ പുത്തൻപറമ്പിൽ വിനോദിൻ്റെ വീട്ടിലെ കോഴിക്കൂട്ടിലാണ് ശനിയാഴ്ച രാത്രി പാമ്പ് കയറിയത്. രാത്രി കോഴിക്കൂട്ടിൽ നിന്ന് അസ്വാഭാവികമായ ശബ്ദം കേട്ട് വിനോദ് പരിശോധിച്ചപ്പോഴാണ് പാമ്പിനെ കണ്ടത്. അപ്പോഴേക്കും രണ്ട് കോഴികളെ പാമ്പ് കൊന്നിരുന്നു. വീട്ടുകാർ ഉടൻ തന്നെ വനംവകുപ്പ് ഉദ്യോഗസ്ഥരെ വിവരമറിയിക്കുകയായിരുന്നു. വിവരമറിഞ്ഞ് റാന്നി ആർ.ആർ.ടി അംഗങ്ങള് സ്ഥലത്തെത്തി. പ്രശസ്ത പാമ്പ് പിടിത്ത വിദഗ്ദൻ വേങ്ങമൂട്ടിൽ മാത്യൂകുട്ടിയും സംഘത്തോടൊപ്പം ഉണ്ടായിരുന്നു. ഏറെ നേരത്തെ പരിശ്രമത്തിനൊടുവിൽ അതീവ ജാഗ്രതയോടെ മാത്യൂകുട്ടിയും സംഘവും മൂർഖനെ പിടികൂടി സുരക്ഷിതമായി ബാഗിലാക്കി. പിടികൂടിയ പാമ്പിനെ പിന്നീട് ജനവാസമില്ലാത്ത ഉൾവനത്തിൽ തുറന്നുവിടുമെന്ന് വനംവകുപ്പ് അധികൃതർ അറിയിച്ചു. വേനൽ കടുത്തതോടെ ജനവാസ മേഖലകളിൽ പാമ്പുകളുടെ ശല്യം വർദ്ധിക്കുന്ന സാഹചര്യത്തിൽ നാട്ടുകാർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. പത്തനംതിട്ട ജില്ലയിലെ പ്രാദേശിക വാര്ത്തകള്ക്കും മറ്റുജില്ലകളിലെ പ്രാധാന വാര്ത്തകള്ക്കുമായിരിക്കും പരിഗണന. കുറഞ്ഞത് ഒരു പാരഗ്രാഫ് എങ്കിലും വാര്ത്തകള് ഉണ്ടായിരിക്കണം. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം.
പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 85471 98263/ mail – [email protected]
