റാന്നി : വെച്ചൂച്ചിറ ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ എണ്ണൂറാം വയൽ സി.എം.എസ് എൽ.പി സ്കൂളിൽ നടന്ന ലോക നാളികേര ദിനാഘോഷം വിദ്യാർത്ഥികൾക്ക് തെങ്ങിൻ തൈകൾ കൈമാറി ഗ്രാമപഞ്ചായത്ത് അംഗം രാജി വിജയകുമാർ ഉദ്ഘാടനം ചെയ്തു. പ്രധാനാധ്യാപകൻ സാബു പുല്ലാട്ട് അധ്യക്ഷത വഹിച്ചു. കൃഷി ഓഫീസർ ബിന്ധ്യ ബി.എൻ., കൃഷി അസിസ്റ്റന്റ് ജയകൃഷ്ണൻ, പി.റ്റി.എ പ്രസിഡന്റ് ഷൈനു ചാക്കോ, മദർ പി.റ്റി.എ പ്രസിഡന്റ് ഫെമി ഹേമന്ത്, ആഷിക് പീടികപ്പറമ്പിൽ, ജെയ്സി ജയ്സൺ, അക്ഷയ് എം.അജയ്, അക്ഷര എന്നിവർ പ്രസംഗിച്ചു. വിവിധയിനം തെങ്ങിൻ തൈകൾ, തേങ്ങ ഉപയോഗിച്ച് തയ്യാറാക്കിയ ഭക്ഷ്യ വിഭവങ്ങൾ, തെങ്ങിന്റെ വിവിധ ഭാഗങ്ങൾ ഉപയോഗിച്ചുള്ള കളിപ്പാട്ടങ്ങൾ കൗതുക വസ്തുക്കൾ എന്നിവയുടെ പ്രദർശനവും പരിപാടിയുടെ ഭാഗമായി നടന്നു.
ഭക്ഷ്യ വിഭവങ്ങളുടെ പ്രദർശനത്തിൽ തേങ്ങച്ചോറ്, തേങ്ങാപ്പാൽ ചോറ്, തേങ്ങ ചേർത്ത പുട്ട്, തേങ്ങാ അപ്പം, തേങ്ങാ ദോശ, തേങ്ങാ ഇടിയപ്പം, തേങ്ങാ കൊഴുക്കട്ട, തേങ്ങാ ഉണ്ണിയപ്പം, തേങ്ങാ വട്ടയപ്പം, തേങ്ങാ തോരൻ, തേങ്ങാ ചമ്മന്തി, തേങ്ങാ പച്ചടി, തേങ്ങാപ്പാൽ കറി, തേങ്ങാ പായസം, തേങ്ങാ പ്രഥമൻ, തേങ്ങാ ലഡ്ഡു, തേങ്ങാ ബർഫി, തേങ്ങാ ഹൽവ, തേങ്ങാ കേക്ക്, തേങ്ങാ ബിസ്കറ്റ്, തേങ്ങാ ജാം, തേങ്ങാ മിഠായി, തേങ്ങാപ്പാൽ ഷേക്ക്, ഇളനീർ ഷേക്ക്, തേങ്ങാ സർബത്ത് തുടങ്ങി വൈവിധ്യമാർന്ന ഭക്ഷ്യ വിഭവങ്ങൾ ഉള്പ്പെടുത്തിയിരുന്നു. കുട്ടികൾക്കായി തേങ്ങോല മെടയൽ, തേങ്ങ ചിരകൽ, തേങ്ങ ഉപയോഗിച്ചുള്ള ഭക്ഷ്യ വിഭവങ്ങളുടെ പാചകക്കുറിപ്പ് തയ്യാറാക്കൽ തുടങ്ങിയ മത്സരങ്ങളും നടന്നു.
