തലശ്ശേരി : പെരിങ്ങത്തൂരിനടുത്ത കടവത്തൂരില് ബിജെപി നേതാവായ അധ്യാപകനെതിരെ പീഡനം നടത്തിയെന്ന് പരാതി. ഇയാള് പ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിച്ചെന്നാണ് പരാതി. ബിജെപി തൃപ്രങ്ങോട്ടൂര് പഞ്ചായത്ത് പ്രസിഡന്റും അധ്യാപകനുമായ കുറുങ്ങാട് കുനിയില് വീട്ടില് പത്മരാജന് പത്തുവയസുകാരിയെ പീഡനത്തിനിരയാക്കിയെന്ന് ചൂണ്ടിക്കാട്ടിയാണ് രക്ഷിതാക്കള് ഡിവൈഎസ്പിക്ക് പരാതി നല്കിയത്.
കഴിഞ്ഞ മൂന്നുമാസമായി ഇയാള് കുട്ടിയെ പീഡിപ്പിച്ചു വരികയാണെന്ന് പരാതിയില് പറയുന്നു. സംഭവം പുറത്തുപറയരുതെന്ന് ഭീഷണിപ്പെടുത്തിയതിനാലാണ് കുട്ടി വിവരം ആരോടും പറയാതിരുന്നത്. പിന്നീട് കുട്ടി വീട്ടില് വിവരം അറിയിക്കുകയും ബന്ധുക്കള് പൊലീസില് പരാതി നല്കുകയുമായിരുന്നു. പരാതിയുടെ അടിസ്ഥാനത്തില് ചൈല്ഡ് ലൈന് പ്രവര്ത്തകര് വീട്ടിലെത്തി പെണ്കുട്ടിയുടെ മൊഴിയെടുത്തു. കുട്ടിയെ വൈദ്യ പരിശോധനയ്ക്കും വിധേയമാക്കിയിട്ടുണ്ട്. മജിസ്ട്രേറ്റിന് മുന്നില് പെണ്കുട്ടിയുടെ മൊഴി രേഖപ്പെടുത്തുമെന്ന് പൊലീസ് അറിയിച്ചു. അതേ സമയം രാഷ്ട്രീയ വൈരാഗ്യത്താല് അധ്യാപകനെ കേസില് മന:പൂര്വം കുടുക്കിയതാണെന്നും ആരോപണമുണ്ട്. ഇയാളെ പൊലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്.