ഡൽഹി: കിഴക്കൻ ഡൽഹിയിലെ അക്ഷർധാം ക്ഷേത്രത്തിന് സമീപം തോക്ക് ചൂണ്ടി രണ്ടുപേരിൽ നിന്നും 50 ലക്ഷം രൂപ കവർന്നു. ഗാസിയാബാദ് ആസ്ഥാനമായുള്ള ചാർട്ടേഡ് അക്കൗണ്ടന്റിന്റെ ജീവനക്കാരിൽ നിന്നുമാണ് പണം കവർന്നത്. ക്ഷേത്രത്തിൽ നിന്ന് ഏതാനും മീറ്റർ അകലെയുള്ള പാണ്ഡവ് നഗറിലാണ് സംഭവം നടന്നതെന്ന് പോലീസ് ഉദ്യോഗസ്ഥൻ പറഞ്ഞു. ജീവനക്കാരായ മോഹിത് ശർമയും അരുൺ ത്യാഗിയും പടിഞ്ഞാറൻ ഡൽഹിയിലുള്ള ഒരാളിൽ നിന്ന് പണം വാങ്ങി മോട്ടോർ സൈക്കിളിൽ ഗാസിയാബാദിലേക്ക് പോകുകയായിരുന്നു. ക്ഷേത്രത്തിനടുത്തുള്ള നാഷണൽ ഹൈവേ ഒൻപതിൽ എത്താറായപ്പോൾ രണ്ടു ബൈക്കുകളിലായി എത്തിയ നാലുപേർ തോക്ക് ചൂണ്ടിയതിന് ശേഷം ഇവരോട് ബൈക്ക് നിർത്താൻ ആവശ്യപ്പെട്ടു.
ശർമയും ത്യാഗിയും രക്ഷപ്പെടാൻ ശ്രമിക്കുന്നതിനിടെ കവർച്ചക്കാർ ബൈക്കിൽ ഇടിച്ചതിനെ തുടർന്ന് ഇവർ റോഡിൽ വീണു. സംഘർഷത്തിനിടെ പ്രതികളിലൊരാളും റോഡിൽ വീണു.മറ്റ് മൂന്ന് പേർ പണമടങ്ങിയ ബാഗ് തട്ടിയെടുത്ത് കൂടെയുണ്ടായിരുന്നയാളെ ഉപേക്ഷിച്ച് സ്ഥലത്ത് നിന്ന് ഓടി രക്ഷപ്പെടുകയായിരുന്നു. പ്രതികളിൽ ഒരാളെ സമീപമുണ്ടായിരുന്നവർ പിടികൂടി പോലീസിന് കൈമാറി.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്ത്തകള് ക്ഷണനേരം കൊണ്ട് ലോഡാകുവാന് ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്. മറ്റു വാര്ത്താ ആപ്പുകളില് നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്ത്തകള് തങ്ങള്ക്കു വേണമെന്ന് ഓരോ വായനക്കാര്ക്കും തീരുമാനിക്കാം. ഒരു ദിവസത്തെ വാര്ത്തകള് മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല് മീഡിയാകളിലേക്ക് വാര്ത്തകള് അതിവേഗം ഷെയര് ചെയ്യാനും സാധിക്കും. അരോചകമായ പരസ്യങ്ങള് ഉണ്ടാകില്ല. ഇന്റര്നെറ്റിന്റെ പോരായ്മകള് ആപ്പിന്റെ പ്രവര്ത്തനത്തെ ബാധിക്കില്ല. തികച്ചും സൌജന്യമായാണ് വാര്ത്തകള് ലഭിക്കുന്നത്.
