ദില്ലി: കോണ്ഗ്രസ് നേതാവ് രാഹുല് ഗാന്ധിക്കെതിരെ രാജ്യദ്രോഹത്തിന് കേസ് എടുക്കണമെന്ന് പരാതി. അഭിഭാഷകന് രവീന്ദര് ഗുപ്തയാണ് ദില്ലി പൊലീസിന് പരാതി നല്കിയത്.കേംബ്രിഡ്ജ് സര്വകലാശാലയില് നടത്തിയ പ്രസംഗത്തിന്റെ അടിസ്ഥാനത്തിലാണ് പരാതി. വിദേശികള്ക്കും ഇന്ത്യക്കാര്ക്കുമിടയില് രാഹുല് ഗാന്ധി വിദ്വേഷമുണ്ടാക്കാന് ശ്രമിച്ചെന്നും പരാതിയില് ആരോപിക്കുന്നു.
അതേസമയം മാനനഷ്ടകേകസില് കോടതിയില് ഹാജരാകാന് സമരം നീട്ടി ചോദിച്ച് രാഹുല് ഗാന്ധി പട്ന കോടതിയില് അപേക്ഷ നല്കി. ഏപ്രില് 12 ന് ഹാജരായി മൊഴി നല്കണമെന്ന് ആവശ്യപ്പെട്ട് രാഹുല് ഗാന്ധിക്ക് നോട്ടീസ് ലഭിച്ചിരുന്നു. ബി.ജെ.പി നേതാവ് സുശീല് കുമാര് മോദിയുടെ പരാതിയില് നേരിട്ട് ഹാജരായി മൊഴി നല്കാന് കോടതി ആവശ്യപ്പെട്ടിരിരുന്നു. എല്ലാ കള്ളന്മാര്ക്കും പേരില് എങ്ങനെയാണ് മോദി എന്ന് വരുന്നത് എന്ന രാഹുലിന്റെ പരാമര്ശമാണ് വിവാദമായത്.
