കുളത്തൂപ്പുഴ : സര്ക്കാര് വകുപ്പില് ജോലി വാങ്ങി നല്കാമെന്ന് പറഞ്ഞ് എന്സിപി നേതാവ് പണം തട്ടിയതായി പരാതി. വനം വകുപ്പില് താല്ക്കാലിക ജോലി തരപ്പെടുത്തി നല്കാമെന്നേറ്റ് എന്.സി.പി നേതാവ് പണം വാങ്ങി കബളിപ്പിച്ചതായി പോലീസില് പരാതി. കുളത്തൂപ്പുഴ ചെമ്പനഴികം കിഴക്കേക്കര വീട്ടില് ബിജുവാണ് എന്.സി.പി പ്രാദേശിക നേതാവിനെതിരെ പരാതി നല്കിയത്. കിഴക്കന് മേഖലയില് കാട്ടുതീ അനുബന്ധ സംരക്ഷണ പ്രവര്ത്തനങ്ങള്ക്കായി വനം വകുപ്പ് പ്രാദേശികമായി താല്ക്കാലിക വാച്ചര്മാരെ നിയോഗിക്കാറുണ്ട്. ഇത്തരത്തില് ജോലി വാങ്ങിനല്കാമെന്ന് ഉറപ്പു നല്കി തുക കൈപ്പറ്റി മാസങ്ങള് കഴിഞ്ഞിട്ടും ജോലി ലഭിക്കാതെ വന്നതോടെയാണ് പരാതിയുമായി ബിജു രംഗത്തെത്തിയത്.
