പത്തനംതിട്ട : ലഹരിവിരുദ്ധ കാംപയിൻ ‘യോദ്ധാവി’ ന്റെ ഭാഗമായി റാന്നി ഐ ടി ഐ യിൽ ജനമൈത്രി പോലീസിന്റെ ആഭിമുഖ്യത്തിൽ കുട്ടികൾക്കും മാതാപിതാക്കൾക്കും ബോധവത്കരണ ക്ലാസ് സംഘടിപ്പിച്ചു. പി ടി എ പ്രസിഡന്റ് സതീഷ് അധ്യക്ഷത വഹിച്ചു. പ്രിൻസിപ്പൽ മധുസൂദനൻ ജി സാഗതം പറഞ്ഞു. യോഗത്തിൽ എക്സൈസ് പ്രിവന്റിവ് ഓഫീസർ സന്തോഷ് ,റാന്നി എസ് ഐ ശ്രീജിത്ത് ജനാർദ്ദനൻ , ജനമൈത്രി ബീറ്റ് ഓഫീസർ അശ്വദീഷ് , ജൂനിയർ ഹെൽത്ത് ഇൻസ്പെക്ടർ മധുസൂദനൻ ,ജനമൈത്രി കൺവീനർ ശ്രീനി ശാസ്താംകോവിൽ എന്നിവർ ബോധവത്കരണ ക്ലാസ്സുകളെടുത്തു. മാതാപിതാക്കൾ ,കുട്ടികൾ, അധ്യാപകർ തുടങ്ങിയവർ പങ്കെടുത്തു. റിയ സിഎം നന്ദി പറഞ്ഞു.
