കോന്നി : ഇലന്തൂർ ഇഎംഎസ് സഹകരണ ആശുപത്രിയുടെയും ഇഎംഎസ് ചാരിറ്റബിൾ സൊസൈറ്റിയുടേയും മലയാലപ്പുഴ ഗ്രാമപഞ്ചായത്തൻ്റേയും മലയാലപ്പുഴ സഹകരണ ബാങ്കിൻ്റേയും സംയുക്താഭിമുഖ്യത്തിൽ സൗജന്യ മെഡിക്കൽ ക്യാമ്പ് നടത്തി. മലയാലപ്പുഴ പഞ്ചായത്ത് കമ്യൂണിറ്റി ഹാളിൽ ഞായറാഴ്ച്ച നടന്ന ക്യാമ്പ് അഡ്വ..കെ യു ജനീഷ് കുമാർ എം എൽ എ ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് ഷീലാകുമാരി ചാങ്ങയിൽ അധ്യക്ഷത വഹിച്ചു. ജില്ലാ പഞ്ചായത്ത് അംഗം ജിജോ മോഡി മുഖ്യ പ്രഭാഷണം നടത്തി.
ഇ എം എസ് ചാരിറ്റബിൾ സൊസൈറ്റി പ്രസിഡൻ്റ് ശ്യാംലാൽ, സംഘാടക സമിതി രക്ഷാധികാരി വി മുരളീധരൻ, പഞ്ചായത്ത് വൈസ് പ്രസിഡൻ്റ് കെ ഷാജി, ബ്ലോക്ക് പഞ്ചായത്ത് അംഗങ്ങളായ സുജാത അനിൽ ,രാഹുൽ വെട്ടൂർ, ഗ്രാമ പഞ്ചായത്ത് സ്ഥിരം സമിതി അധ്യക്ഷരായ എസ് ബിജു, പ്രീജാ പി നായർ, എലിസബത്ത് രാജു, സിഡിഎസ് ചെയർപേഴ്സൺ എ ജലജകുമാരി, സഹകരണ ബാങ്ക് സെക്രട്ടറി എസ് ഷാജി, സഹകരണ ആശുപത്രി സെക്രട്ടറി അലൻ മാത്യു തോമസ്, വൈസ് ചെയർമാൻ പി കെ ദേവാനന്ദൻ, പഞ്ചായത്തംഗങ്ങളായ മഞ്ജേഷ് വടക്കിനേത്ത്, രജനീഷ് ഇടമുറി ക്യാമ്പ് ചുമതലക്കാരായ കെ ജി സതീശൻ, വിനോദ് പുളിമൂട്ടിൽ എന്നിവർ സംസാരിച്ചു. ഇ എം എസ് സഹകരണ ആശുപത്രി ചെയർമാൻ പ്രൊഫ.ടി കെ ജി നായർ സ്വാഗതവും ക്യാമ്പ് കൺവീനർ മിഥുൻ ആർ നായർ നന്ദിയും പറഞ്ഞു. അശുപത്രിയിലെ ഡോക്ടർമാരായ ഡോ. രേവതി രഘുനാഥ്, ഡോ.റിസ്വി മുഹമ്മദ്, ഡോ.വിഷ്ണുനാഥ്, ഡോ.മഹേഷ് മധു എന്നിവർ ക്യാമ്പിന് നേതൃത്വം നൽകി.
