പത്തനംതിട്ട : അരുവാപ്പുലം കൃഷി ഭവന്റെ നേതൃത്വത്തിൽ ആവണിപ്പാറ ഗിരിജൻ കോളനിയിൽ വെച്ച് ആത്മ പദ്ധതി പ്രകാരം ഭക്ഷ്യ സുരക്ഷ, ഏകദിനപരിശീലനം, സ്ത്രീ ശാക്തീകരണം എന്നീ പദ്ധതികളുടെ പരിശീലനവും സെമിനാറും നടത്തി. സർക്കാരിന്റെ രണ്ടാം നുറുദിന പരിപാടിയിൽ ഉൾപ്പെടുത്തി.”ഞങ്ങളും കൃഷിയിലേക്ക്” എന്ന പദ്ധതിയുടെ പരിശീലനവും പച്ചക്കറി തൈകളുടെ നടീൽ ഉദ്ഘടനവും നടത്തി.
വിവിധ കാർഷിക ജൈവ സാങ്കേതങ്ങളും നടീൽ വസ്തുക്കളും പദ്ധതിയുടെ ഭാഗമായി വിതരണം നടത്തി. പരിശീലന പരിപാടികള്‍ക്ക് കൃഷി ഓഫീസർ നസീറ ബീഗം നേതൃത്വം നൽകി. വാർഡ് മെമ്പർ സിന്ധു ഉദ്ഘാടനം ചെയ്തു. അസി. കൃഷി ഓഫീസർമാരായ മേരി ടി.ജോൺ, അബ്ദുൽ ജലീൽ, സജികുമാർ.കെ, പ്രശാന്ത്, ആത്മ സ്റ്റാഫ്‌ അശ്വതി, നീതു എന്നിവരും വന്ദന, അനന്ദു, ഗീതു, അലക്സി എന്നിവരും സന്നിഹിതരായിരുന്നു . വരും ദിവസങ്ങളിൽ കൃഷിയുമായി ബന്ധപ്പെട്ട വിവിധ പരിശീലന പരിപാടികൾ ആവണിപ്പാറയിൽ നടത്തുമെന്ന് കൃഷി ഓഫീസർ അറിയിച്ചു.
