വടക്കഞ്ചേരി : പാളയത്ത് കോണ്ഗ്രസ് പ്രവര്ത്തകന് വെട്ടേറ്റ സംഭവത്തില് പ്രതി കോടതിയില് കീഴടങ്ങി. കോണ്ഗ്രസ് പ്രവര്ത്തകന് കിഴക്കേ പാളയം ശിവനെ (36) വെട്ടി പരിക്കേല്പ്പിച്ച കേസിലെ പ്രതി ആര്.എസ്.എസ് പ്രവര്ത്തകന് കിഴക്കേപാളയം വിനോദ് (22) ആണ് ആലത്തൂര് കോടതിയില് കീഴടങ്ങിയത്. ചൊവ്വാഴ്ച രാവിലെയാണ് പാളയത്ത് വെച്ച് വിനോദ് ശിവനെ വെട്ടി പരിക്കേല്പ്പിച്ചത്.
സാരമായി പരിക്കേറ്റ ശിവന് തൃശൂരിലെ സ്വകാര്യ ആശുപത്രിയില് തീവ്രപരിചരണ വിഭാഗത്തില് ചികിത്സയിലാണ്. വ്യക്തി വൈരാഗ്യമാണ് ആക്രമണത്തിന് കാരണമെന്ന് പോലീസ് പറഞ്ഞു. കോടതി റിമാന്ഡ് ചെയ്ത പ്രതിയെ കസ്റ്റഡിയില് വാങ്ങാന് വ്യാഴാഴ്ച പോലീസ് അപേക്ഷ സമര്പ്പിക്കും. സംഘര്ഷ സാധ്യത കണക്കിലെടുത്ത് സ്ഥലത്ത് ഇപ്പോഴും പോലീസ് ക്യാമ്പ് ചെയ്യുന്നുണ്ട്.
