ഹൈദരാബാദ് : കോണ്ഗ്രസ് നേതാവ് രാഹുല് ഗാന്ധിയുടെ ട്വിറ്റര് അക്കൗണ്ട് താത്കാലികമായി സസ്പെന്ഡ് ചെയ്ത സംഭവത്തിൽ പ്രതിഷേധവുമായി കോൺഗ്രസ് പ്രവർത്തകർ. ‘ട്വിറ്റര് പക്ഷി’യെ എണ്ണയില് പൊരിച്ചെടുത്താണ് പ്രതിഷേധം. വിചിത്രമായ ഈ പ്രതിഷേധത്തിന്റെ വീഡിയോ ഇപ്പോള് വൈറലാകുകയാണ്. ട്വിറ്റര് പക്ഷിയായി കാടക്കോഴിയെയാണ് കോണ്ഗ്രസുകാര് വറുത്ത് കോരിയത്. പൊരിച്ചെടുത്ത പക്ഷിയെ മുംബയിലെ ട്വിറ്റര് ഓഫീസിലേക്ക് പാഴ്സല് ചെയ്ത് അയക്കുകയും ചെയ്തു. ട്വിറ്റര് ഒരു ചത്ത പക്ഷിയാണെന്നും കോണ്ഗ്രസ് നേതാക്കള് പറഞ്ഞു.
ഡല്ഹിയില് ബലാത്സംഗം ചെയ്തശേഷം കൊലപ്പെടുത്തിയ ഇരയുടെ സ്വകാര്യതയുമായി ബന്ധപ്പെട്ട നിയമത്തെ ലംഘിച്ചതിനെ തുടര്ന്നാണ് ഓഗസ്റ്റ് ആദ്യവാരം രാഹുല് ഗാന്ധിയുടെ ട്വിറ്റര് അക്കൗണ്ട് താല്ക്കാലികമായി സസ്പന്ഡ് ചെയ്യപ്പെട്ടത്. ഇതിനെതിരെ വനിതാകമ്മീഷൻ രാഹുലിനെതിരെ കേസെടുത്തിരുന്നു. കഴിഞ്ഞയാഴ്ചയാണ് ട്വിറ്റര് വിലക്ക് പിന്വലിച്ചത്.
