തിരുവനന്തപുരം: കോണ്ഗ്രസ് സ്ഥാനാര്ത്ഥികളെ ഇന്ന് ഉച്ചയോടെ പ്രഖ്യാപിക്കും. സ്ഥാനാര്ത്ഥി പട്ടിക കെ പി സി സി അദ്ധ്യക്ഷന് മുല്ലപ്പള്ളി രാമചന്ദ്രന് പ്രഖ്യാപിക്കും. നേമത്ത് കെ മുരളീധരന് സ്ഥാനാര്ത്ഥിയായേക്കും. മുരളീധരനെ ഹൈക്കമാന്ഡ് ഡല്ഹിയിലേക്ക് വിളിപ്പിച്ചിട്ടുണ്ട്.
ഉമ്മന്ചാണ്ടി പുതുപ്പള്ളിയില് തന്നെ മത്സരിക്കും. തൃപ്പൂണിത്തുറയില് കെ ബാബു, കൊട്ടാരക്കരയില് ആര് രശ്മി, ചടയമംഗലത്ത് എം എം നസീര്, ചാത്തന്നൂരില് പീതാംബരക്കുറുപ്പ്, വട്ടിയൂര്ക്കാവില് കെ പി അനില്കുമാര്, കൊല്ലത്ത് ബിന്ദുകൃഷണ, കുണ്ടറയില് പിസി വിഷ്ണുനാഥ് എന്നിവര് സ്ഥാനാര്ത്ഥികളാകും. പട്ടാമ്പിയും നിലമ്പൂരും ഒഴികെയുള്ള മണ്ഡലങ്ങളിലാകും ഇന്ന് സ്ഥാനാര്ത്ഥികളെ പ്രഖ്യാപിക്കുക.
നിയമസഭാ തെരഞ്ഞെടുപ്പില് എംപിമാരെ മത്സരിപ്പിക്കേണ്ടെന്നായിരുന്നു ആദ്യം തീരുമാനിച്ചിരുന്നതെങ്കിലും നേമം പിടിച്ചെടുക്കാന് കരുത്തന് തന്നെ വേണമെന്ന നിര്ബന്ധമാണ് ഒടുവില് കെ മുരളീധരനെ തന്നെ സ്ഥാനാര്ത്ഥിയാക്കാന് കാരണം.
