പത്തനംതിട്ട : ലോക്സഭാ തെരഞ്ഞെടുപ്പിന്റെ മുന്നൊരുക്കങ്ങൾക്കും പാർട്ടിയെ കൂടുതൽ ചലനാത്മകമാക്കുന്നതിനുമായി കെ.പി.സി.സി.സി നിർദ്ദേശ പ്രകാരം ജില്ലയിലെ ബൂത്ത് തലം മുതലുള്ള ഭാരവാഹികളേയും പ്രവർത്തകരേയും നേതാക്കളേയും പങ്കെടുപ്പിച്ചുള്ള കോൺഗ്രസ് ജില്ലാ പ്രവർത്തക കൺവെൻഷൻ നവംബർ 2-വ്യാഴാഴ്ച്ച പത്തനംതിട്ട റോയൽ ഓഡിറ്റോറിയത്തിൽ വെച്ച് നടത്തുമെന്ന് ഡി.സി.സി ജനറൽ സെക്രട്ടറി സാമുവൽ കിഴക്കുപുറം പറഞ്ഞു. രാവിലെ 10 – മണിക്ക് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിലിന്റെ അദ്ധ്യക്ഷതയിൽ ചേരുന്ന കൺവെൻഷൻ കെ.പി.സി.സി പ്രസിഡന്റ് കെ.സുധാകരൻ എം.പി. ഉദ്ഘാടനം ചെയ്യും.
പ്രതിപക്ഷ നേതാവ് വി.ഡി.സതീശൻ മുഖ്യ പ്രഭാഷണം നടത്തും. കോൺഗ്രസ് വർക്കിംഗ് കമ്മിറ്റി അംഗം രമേശ് ചെന്നിത്തല, കെ.പി.സി.സി രാഷ്ട്രീയ കാര്യസമിതി അംഗം പ്രൊഫ. പി.ജെ കുര്യൻ, ആന്റോ ആന്റണി എം.പി, കെ.പി.സി.സി ഭാരവാഹികളായ പഴകുളം മധു, എ.എ.ഷുക്കൂർ, എം.എം നസീർ മറ്റ് നേതാക്കൾ എന്നിവർ പ്രസംഗിക്കും. കെ.പി.സി.സി അംഗങ്ങൾ, ഡി.സി.സി ഭാരവാഹികൾ, മുൻ ഭാരവാഹികൾ, ബ്ലോക്ക്, മണ്ഡലം, വാർഡ്, ബൂത്ത് പ്രസിഡന്റുമാർ, ഭാരവാഹികൾ, പോഷകസംഘടനാ ഭാരവാഹികൾ, ത്രിതല പഞ്ചായത്ത്, മുനിസിപ്പൽ, സഹകരണ സംഘം എന്നിവിടങ്ങളിലെ കോൺഗ്രസ് ജനപ്രതിനിധികൾ എന്നിവർ ജില്ലാ പ്രവർത്തക കൺവെൻഷനിൽ പങ്കെടുക്കും
ഉച്ചക്ക് രണ്ടര മണിക്ക് കെ.പി.സി.സി പ്രസിഡന്റിന്റെ സാന്നിദ്ധ്യത്തിൽ രാജീവ് ഭവൻ ഓഡിറ്റോറിയത്തിൽ മുതിർന്ന നേതാക്കൾ, കെ.പി.സി.സി അംഗങ്ങൾ, ഡി.സി സി. ഭാരവാഹികൾ എന്നിവരുടെ നേതൃസംഗമവും സംഘടിപ്പിച്ചിട്ടുണ്ടെന്ന് ഡി.ഡി.സി ജനറൽ സെക്രട്ടറി അറിയിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
