ന്യൂഡല്ഹി : കോൺഗ്രസ് സ്ഥാപക ദിനത്തില് പാര്ട്ടി ആസ്ഥാനത്ത് നടന്ന ആഘോഷത്തില് നാടകീയ രംഗങ്ങള്. പാര്ട്ടി പതാക പൊട്ടി സോണിയ ഗാന്ധിയുടെ ദേഹത്തുവീണു. ഇതുകാരണം സോണിയ ഗാന്ധിക്ക് പതാക ഉയര്ത്താന് കഴിഞ്ഞില്ല. പിന്നീട് കൈ കൊണ്ട് പതാക ഉയര്ത്തി കാണിക്കേണ്ടിവന്നു. ക്ഷുഭിതയായ സോണിയ ഗാന്ധി പതാക ഉയര്ത്താതെ തിരിച്ചുപോവുകയും 15 മിനിറ്റിന് ശേഷം തിരിച്ചെത്തി പതാക ഉയര്ത്തുകയുമായിരുന്നു. കോണ്ഗ്രസിന്റെ 137-ാം സ്ഥാപക ദിനാഘോഷത്തിനിടെയാണ് സംഭവം. രാവിലെ 9.45 മണിയോടെയാണ് സോണിയ പതാക ഉയര്ത്താന് എത്തിയത്. പതാക ഉയര്ത്താന് ശ്രമിക്കുമ്പോള് ചരട് പൊട്ടി സോണിയയുടെ ദേഹത്ത് വീഴുകയായിരുന്നു. പിന്നീട് പതാക ചരടില് കെട്ടാന് ശ്രമിച്ചെങ്കിലും നടന്നില്ല. ഒടുവില് കൈ കൊണ്ട് പതാക ഉയര്ത്തി കാണിക്കേണ്ടിവന്നു. ക്ഷുഭിതയായ സോണിയ ഗാന്ധി പതാക ഉയര്ത്താതെ മടങ്ങി.
