പത്തനംതിട്ട : കേരളത്തിലെ ജനങ്ങൾക്കും പരിസ്ഥിതിക്കും സർവ്വനാശം വിതക്കുന്ന സിൽവർ ലൈൻ അതിവേഗ റെയിൽ പദ്ധതിക്കെതിരായ സമര പരിപാടികളെക്കുറിച്ച് ആലോചിക്കുവാൻ കെപിസിസി നേതൃത്വത്തിൽ മേഖലാ അടിസ്ഥാനത്തിൻ വിളിച്ചു ചേർത്തിട്ടുള്ള കോൺഗ്രസ് നേതാക്കളുടെ യോഗം ശനിയാഴ്ച രാവിലെ 10.30ന് കൊല്ലം ഡി.സി സി ഓഫീസിൽ ചേരുന്നതിന്റെ ഭാഗമായി പത്തനംതിട്ട ജില്ലയിലെ ഡിസിസി ഭാരവാഹികൾ, ബ്ലോക്ക്, മണ്ഡലം പ്രസിഡന്റുമാർ എന്നിവരുടെ യോഗം കൊല്ലം ഡിസിസി ഓഫീസിൽ ചേരുമെന്ന് ഡിഡിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ അറിയിച്ചു.
കെപിസിസി പ്രസിഡന്റ് കെ.സുധാകരൻ എംപി, പ്രതിപക്ഷ നേതാവ് വി.ഡി.സതീശൻ എന്നിവർ യോഗത്തിൽ പങ്കെടുക്കും.
ജില്ലയിൽ നിന്നുള്ള ഡിസിസി ഭാരവാഹികൾ, കോൺഗ്രസ് ബ്ലോക്ക് പ്രസിഡന്റുമാർ, മണ്ഡലം പ്രസിഡന്റുമാർ എന്നിവർ രാവിലെ 10.30 ന് മുമ്പായി നേതൃയോഗത്തിൽ പങ്കെടുക്കുവാൻ കൊല്ലം ഡിസിസി ഓഫീസിൽ എത്തിച്ചേരണമെന്ന് സംഘടനാ ചുമതല വഹിക്കുന്ന ഡിസിസി ജനറൽ സെക്രട്ടറി സാമുവൽ കിഴക്കുപുറം അഭ്യർത്ഥിച്ചു.
