കോട്ടയം: ഇലഞ്ഞി പഞ്ചായത്തില് ആരംഭിക്കാന് തുടങ്ങുന്ന ടാര് മിക്സിഗ് പ്ലാന്റ് നിരോധിക്കണമെന്ന് ആവശ്യപ്പെട്ട് കേരള കോണ്ഗ്രസ് (എം) നടത്തുന്ന ഉപവാസ സമരം തോമസ് ചാഴികാടന് എംപി ഉദ്ഘാടനം ചെയ്തു. ജനങ്ങള്ക്ക് വേണ്ടാത്തതും ദുരിതപൂര്ണം ആകുന്നതുമായ വെണ്കുളം പ്ലാന്റിന്റെ അനുമതി റദ്ദാക്കുവാന് ഇലഞ്ഞി പഞ്ചായത്ത് ഭരണ സമിതി തയ്യാറാകണം.
മെയ് മാസം ലഭിച്ച അപേക്ഷയില് തീരുമാനം എടുക്കാതെ അഞ്ച് മാസം പൂഴ്ത്തിവച്ചു എന്ന് ഉള്ളത് ഗുരുതരമായ ക്യത്യവിലോപമാണ്. ജനങ്ങളുടെ ആശങ്ക അകറ്റാന് നടപടി സ്വീകരിക്കുവാന് പഞ്ചായത്ത് ഭരണസമിതി തയ്യാറാകണമെന്ന് തോമസ് ചാഴികാടന് എംപി ആവശ്യപ്പെട്ടു. കേരള കോണ്ഗ്രസ് (എം) മണ്ഡലം പ്രസിഡണ്ട് ജോയി ജോസഫ് കുളത്തുങ്കല് അദ്ധ്യക്ഷത വഹിച്ച ഉപവാസ സമരത്തില് പാര്ട്ടി സംസ്ഥാന ജനറല് സെക്രട്ടറി റ്റോമി കെ തോമസ് മുഖ്യപ്രഭാഷണം നടത്തി.
പാര്ട്ടിസ്റ്റിയറിംഗ് കമ്മറ്റി അംഗം ഡോ. സിന്ധു മോള് ജേക്കബ്, ബ്ലോക്ക് പഞ്ചായത്ത് മെംബര് ഡോജിന് ജോണ്, ജില്ലാ സെക്രട്ടറി പി.കെ. ജോണ്, ഘടക കക്ഷി നേതാക്കളായ വി.ജെ പീറ്റര്, പി.എം വാസു, ഡെന്നീസ് മര്ക്കോസ്, മാജി സന്തോഷ്, സൈജു തുരുത്തേല്, പി .ജി. പ്രശാന്ത്, പാര്ട്ടി നേതാക്കളായ റെജി മന്നാച്ചി, ജോസ് പാറേക്കാട്ട്, സുരേഷ് ചെന്തേലി, സിബി അരഞ്ഞാണി, സാജു ഉറുമ്പിപാറ, ജോയി മാണി, തോമസ് കൂടു തൊട്ടി, അപ്പച്ചന് ഇഞ്ചി പറമ്പില്, ബേബി ചേന്ദംകുളം, ടോമി കേളംകുഴ, സിബി ആനക്കുഴി, ജിനു വട്ടപ്പാറ, ജോബി കുളത്തുങ്കല്, തോമസ് ഇല്ലിക്കല്, ജോഷി നിധീരി, ടോമി കൊച്ചുപുര, ബിജു മുട്ടപ്പിള്ളില്, ബെന്നി കാച്ചിറ തുടങ്ങിയവര് സംസാരിച്ചു.
