കോന്നി : എസ് എസ് എൽ സി പരീക്ഷ ഫലം പുറത്തുവന്നപ്പോൾ കോന്നിയിലെ ഭൂരിപക്ഷം സ്കൂളുകളും 100 % വിജയം കൈവരിച്ചു. അധ്യാപക മികവിലൂടെയും കുട്ടികളുടെ കഠിന പ്രയത്ന ഫലമായാണ് കുട്ടികൾ വിജയിച്ചത്. കോന്നി ജി എച്ച് എസ് എസ് 100 % വിജയം നേടി. 165 കുട്ടികൾ പരീക്ഷ എഴുതിയതിൽ 40 പേര് എല്ലാ വിഷയങ്ങൾക്കും എ പ്ലസ് നേടി. കൊക്കാത്തോട് ജി എച്ച് എസ് 100% വിജയം നേടി. 10 കുട്ടികൾ പരീക്ഷ എഴുതിയതിൽ മുഴുവൻ കുട്ടികളും വിജയിച്ചു. കൊക്കത്തോട് ഗവണ്മെന്റ് സ്കൂളിന്റെ ചരിത്രത്തിൽ ആദ്യമായി ആദിവാസി മേഖലയിൽ നിന്നും പരീക്ഷ എഴുതിയ രണ്ട് കുട്ടികളും വിജയിച്ചു. 2016 മുതൽ തുടർച്ചയായി 8 വർഷമായി ഈ സ്കൂൾ വിജയം നേടി. കൂടൽ ജി വി എച്ച് എസ് എസ് ഈ തവണ നൂറ് ശതമാനം വിജയം നേടി.
51 കുട്ടികൾ പരീക്ഷ എഴുതിയതിൽ 12 പേര് മുഴുവൻ വിഷയങ്ങളിലും എ പ്ലസ് നേടി. എലിമുള്ളുംപ്ലാക്കൽ ജി എച്ച് എസ് എസ് 100% വിജയം നേടി. 14 കുട്ടികൾ പരീക്ഷ എഴുതിയതിൽ മുഴുവൻ പേരും വിജയിച്ചു. തുടർച്ചയായി 20ആം വർഷം ആണ് ഈ വിജയം നേടുന്നത്. കലഞ്ഞൂർ ജി എച്ച് എസ് എസ് 99% വിജയം നേടി. 48 പേര് മുഴുവൻ വിഷയങ്ങളിലും എ പ്ലസ് നേടി. തേക്കുതോട് ജി എച്ച് എസ് എസ് നൂറ് ശതമാനം വിജയം നേടി. 24 കുട്ടികൾ പരീക്ഷ എഴുതിയതിൽ 3 പേര് എല്ലാ വിഷയങ്ങളിലും എ പ്ലസ് നേടി. കോന്നി ആർ വി എച്ച് എസ് എസ് ൽ 100% വിജയം നേടി. 209 കുട്ടികൾ പരീക്ഷ എഴുതിയതിൽ 40 പേര് മുഴുവൻ വിഷയങ്ങളിലും എ പ്ലസ് നേടി തുടർച്ചയായ അഞ്ചാം തവണയാണ് ഈ സ്കൂൾ 100% വിജയം നേടുന്നത്.
