പത്തനംതിട്ട : ഇന്ത്യൻ ഭരണഘടനയോടും ഭരണഘടനാ ശില്പികളോടുമുള്ള അവഹേളനങ്ങൾക്ക് എതിരെ കെ.പി.സി.സി ആഹ്വാനം അനുസരിച്ച് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മലയാലപ്പുഴയിൽ ഭരഘടനാ സംരക്ഷണ ദിനാചരണം നടത്തി. അമ്പലം ജംഗ്ഷനിൽ ഇതു സംബന്ധിച്ച് ചേർന്ന സമ്മേളനവും ഭരണഘടനാ സംരക്ഷണ പ്രതിജ്ഞയും ഡി.സി.സി ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു.
മണ്ഡലം പ്രസിഡന്റ് ദിലീപ് കുമാർ പൊതീപ്പാട് അദ്ധ്യക്ഷത വഹിച്ചു. ഡി.സി. സി. ജനറൽ സെക്രട്ടറി എലി സബത്ത് അബു, വി.സി. ഗോപിനാഥപിള്ള, പ്രമോദ് താന്നിമൂട്ടിൽ, സിനി ലാൽ ആലുനില്ക്കുന്നതിൽ, ജയിംസ് പരുത്തിയാനി, മധുമല ഗോപാലകൃഷ്ണൻ, ആശാകുമാരി പെരുമ്പ്രാൽ, ബിന്ദു ജോർജ്ജ്, ബിജുമോൻ തോട്ടം, ബെന്നി ഈട്ടിമൂട്ടിൽ, മോനി കെ. ജോർജ്ജ്, രാജേന്ദ്രൻ ആന ശാരിക്കൽ, സനൽകുമാർ, ഷേർലി കോശി, ശ്രീകുമാർ ചെറിയത്ത്,ഉണ്ണി മുക്കുഴി, മാത്യു ഇലക്കുളം, ശ്രീകുമാർ പനച്ചേൽ, ഷിജു പൊതിപ്പാട്, സുനോജ് എന്നിവർ പ്രസംഗിച്ചു.
