പത്തനംതിട്ട : ഇളമണ്ണൂര് കെ.പി.പി.എം സ്കൂളില് രാജ്യസഭാ എം.പി അഡ്വ കെ സോമപ്രസാദിന്റെ പ്രാദേശിക വികസന ഫണ്ടില് നിന്നും 24 ലക്ഷം രൂപ അനുവദിച്ച് നിര്മ്മിക്കുന്ന സ്മാര്ട്ട് ക്ലാസ്സ് കെട്ടിടത്തിന്റെ നിര്മ്മാണോദ്ഘാടനം ബഹു എം.പി അഡ്വ കെ സോമപ്രസാദ് നിര്വ്വഹിച്ചു. സ്കൂള് മാനേജര് അഡ്വ ബി ഉണ്ണികൃഷ്ണന് അദ്ധ്യക്ഷത വഹിച്ച യോഗത്തില് ഏനാദിമംഗലം പഞ്ചായത്ത് പ്രസിഡന്റ് പി രാജഗോപാലന് നായര് സ്വാഗതം ആശംസിച്ചു.
സ്കൂള് സെക്രട്ടറി കെ എസ് സുധാകരന്പിള്ള റിപ്പോര്ട്ട് അവതരിപ്പിച്ചു. ഗ്രാമപഞ്ചായത്തംഗങ്ങളായ സതീഷ് കുമാര്, കാഞ്ചന എന്നിവരും മുന് മാനേജര് പി ജി മോഹനചന്ദ്രന്പിള്ള, പി ജി കൃഷ്ണകുമാര്, സിന്ധു അനില്, ഡി ബിനോയി, സുഭാഷ് കുമാര്, അഡ്വ ഡി ഭാനുദേവന്, ആര് സീമ, ജി സനന്ദന് ഉണ്ണിത്താന്, ഗവ എല്പി എസ് എച്ച് എം ശ്രീകുമാരി, വി ആര് കൃഷ്ണാംബിക, സ്കൂള് എച്ച് എം അജിത കുമാരി എന്നിവര് പങ്കെടുത്തു.