പന്തളം: നിർമ്മാണ തൊഴിലാളി യുണിയൻ (സി ഐ ടി യു) പന്തളം ഏരിയ സമ്മേളനം സെപ്റ്റംബർ 21 ഞായറാഴ്ച അറത്തിൽ മുക്ക് ക്ഷീര സഹകരണ സംഘം ഓഡിറ്റോറിയത്തിൽ നടക്കും. രാവിലെ 9.30 ന് ഏരിയ സമ്മേളനം സി.ഐ.ടി.യു പത്തനംതിട്ട ജില്ലാ പ്രസിഡണ്ട് എസ് ഹരിദാസ് ഉദ്ഘാടനം ചെയ്യും. യുണിയൻ ഏരിയ കമ്മിറ്റി സെക്രട്ടറി കെ മോഹൻദാസ് പ്രവർത്തന റിപ്പോർട്ടും ജില്ലാ ജോയിന്റ് സെക്രട്ടറി സി രാജേന്ദ്രൻ സംഘടന റിപ്പോർട്ടും അവതരിപ്പിക്കും. മുതിർന്ന നിർമ്മാണ തൊഴിലാളികളെ സമ്മേളനത്തിൽ സി.പി.എം പന്തളം ഏരിയ സെക്രട്ടറി ആർ ജ്യോതികുമാർ ആദരിക്കും. എസ് എസ് എൽ സി, പ്ളസ് ടു പരീക്ഷകളിൽ ഉന്നത വിജയം നേടിയ നിർമ്മാണ തൊഴിലാളികളുടെ മക്കളെ അനുമോദിക്കും.
സമ്മേളനത്തിന്റെ വിജയത്തിനായി സംഘാടക സമിതി രൂപികരിച്ചു. രൂപികരണ യോഗം സി.പി.എം പന്തളം ഏരിയ സെക്രട്ടറി ആർ. ജ്യോതികുമാർ ഉദ്ഘാടനം ചെയ്തു. യുണിയൻ പന്തളം ഏരിയ പ്രസിഡണ്ട് പി എൻ അശോകൻ അദ്ധ്യക്ഷത വഹിച്ചു. സി.ഐ.ടി.യു പന്തളം ഏരിയ സെക്രട്ടറി വി പി രാജേശ്വരൻ നായർ, സി.പി.എം പന്തളം ഏരിയ കമ്മിറ്റി അംഗങ്ങളായ എൻ സി അഭീഷ്, എസ് കൃഷ്ണകുമാർ, സി രാജേന്ദ്രൻ, പ്രമോദ് കണ്ണങ്കര, എം രാജൻ, പി കെ ശാന്തപ്പൻ, കെ എച്ച് ഷിജു എന്നിവർ സംസാരിച്ചു. സംഘാടക സമിതി ഭാരവാഹികളായി വി പി രാജേശ്വരൻ നായർ, കെ എൻ പ്രസന്നകുമാർ (രക്ഷാധികാരിമാർ), ആർ ജ്യോതികുമാർ (ചെയർമാൻ), എസ് കൃഷ്ണകുമാർ, എം രാജൻ (വെെസ് ചെയർമാന്മാർ), കെ മോഹൻദാസ് (കൺവീനർ), എൻ സി അഭീഷ് (ജോയിൻ കൺവീനർ) എന്നിവരെ തെരഞ്ഞെടുത്തു.
