പത്തനംതിട്ട : സംസ്ഥാന സഹകരണ കണ്സ്യൂമര് ഫെഡറേഷന്റെ പത്തനംതിട്ട റീജിയണില് കണ്സ്യൂമര്ഫെഡ് ഭാഗ്യോത്സവം 2021 സമ്മാന പദ്ധതി ആരംഭിച്ചു. മുനിസിപ്പല് ചെയര്മാന് അഡ്വ. സക്കീര് ഹുസൈന് സമ്മാന പദ്ധതിയുടെ ഉദ്ഘാടനം നിര്വഹിച്ചു.
ഫെബ്രുവരി 28 വരെയുളള രണ്ട് മാസത്തേക്കാണ് പദ്ധതി. ഓരോ 500 രൂപയുടെ പര്ച്ചേസിനും ഓരോ സമ്മാനകൂപ്പണ് വീതം നല്കും. ജില്ലയിലെ 13 ത്രിവേണി സൂപ്പര് മാര്ക്കറ്റുകളിലും രണ്ട് മൊബൈല് ത്രിവേണികളിലുമായാണ് സമ്മാനപദ്ധതി നടപ്പാക്കുന്നത്.
ഒന്നാം സമ്മാനം വോള്ട്ടാസ് ഡബിള്ഡോര് ഫ്രിഡ്ജ്, രണ്ടാം സമ്മാനം ഫിസ്റ്റാ ഇംപെക്സ് എല്.ഇ.ഡി റ്റി.വി, മൂന്നാം സമ്മാനം വേള്പൂള് വാഷിംഗ് മെഷീന്, നാലാം സമ്മാനം എല്.ജി മൈക്രോവേവ് ഓവന്, അഞ്ചാം സമ്മാനം ബോറോസില് മിക്സര് ഗ്രൈന്ഡര് കൂടാതെ പ്രോത്സാഹന സമ്മാനമായി സമ്മാന പദ്ധതി നടപ്പാക്കുന്ന 15 ത്രിവേണികളിലേക്കും 15 വാട്ടര് പ്യൂരിഫയറുകളും നല്കും. കണ്സ്യൂമര്ഫെഡ് ഭരണസമിതിയംഗം ജി. അജയകുമാര്, റീജിയണല് മാനേജര് ബിന്ദു പി.നായര് തുടങ്ങിയവര് പങ്കെടുത്തു.