പത്തനംതിട്ട കളക്ടറേറ്റ് : ജില്ലയില് ഇന്ന്(30) പുതിയ കേസുകള് ഒന്നും കണ്ടെത്തിയിട്ടില്ല.
പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേമ്പറില് കൂടി.
ഇന്നത്തെ സര്വൈലന്സ് ആക്ടിവിറ്റികള് വഴി പുതിയ പ്രൈമറി, സെക്കന്ഡറി കോണ്ടാക്ടുകളെ കണ്ടെത്തിയിട്ടില്ല. ജനറല് ആശുപത്രി പത്തനംതിട്ടയില് അഞ്ചു പേരും ജില്ലാ ആശുപത്രി കോഴഞ്ചേരിയില് നാലു പേരും നിലവില് ഐസൊലേഷനില് ഉണ്ട്.
സ്വകാര്യ ആശുപത്രികളില് തിരുവല്ല പുഷ്പഗിരി മെഡിക്കല് കോളജ് ആശുപത്രിയില് മൂന്നു പേര് ഐസൊലേഷനില് ഉണ്ട്. ആകെ 12 പേര് വിവിധ ആശുപത്രികളില് നിരീക്ഷണത്തില് ഉണ്ട്. ഇന്ന് പുതിയതായി മൂന്നു പേരെ ഐസൊലേഷനില് പ്രവേശിപ്പിച്ചു.
കഴിഞ്ഞ ന്യൂസ് ബുളളറ്റിനുശേഷം 12 പേരെ ഡിസ്ചാര്ജ് ചെയ്തു. ഇതുവരെ 92 പേരെ ഡിസ്ചാര്ജ് ചെയ്തിട്ടുണ്ട്.
ജില്ലയില് ആദ്യം രോഗം സ്ഥിരീകരിച്ച അഞ്ചു പേരെ ടെസ്റ്റ് നെഗറ്റീവായി കണ്ടെത്തിയിരിക്കുന്നതിനാല് ആശുപത്രി നിരീക്ഷണത്തില് നിന്ന് ഇന്ന് വിടുകയും 14 ദിവസത്തേയ്ക്ക് ഹോം ഐസോലേഷനില് പ്രവേശിപ്പിക്കുകയും ചെയ്തു.
വീടുകളില് 415 പ്രൈമറി കോണ്ടാക്ടുകളും 180 സെക്കന്ഡറി കോണ്ടാക്ടുകളും നിരീക്ഷണത്തില് ആണ്. നിലവില് വിദേശത്തു നിന്നും തിരിച്ചെത്തിയ 3924 പേരും മറ്റ് സംസ്ഥാനങ്ങളില് നിന്നും തിരിച്ചെത്തിയ 3224 പേരും വീടുകളില് നിരീക്ഷണത്തിലാണ്. വിദേശത്ത് നിന്നും തിരിച്ചെത്തിയ ഒന്പതു പേരെയും മറ്റ് സംസ്ഥാനങ്ങളില് നിന്നും തിരിച്ചെത്തിയ 249 പേരേയും നിരീക്ഷണത്തില് നിന്നും വിടുതല് ചെയ്തു. ആകെ 7743 പേര് വീടുകളില് നിരീക്ഷണത്തിലാണ്.
ഇന്ന് ജില്ലയില് നിന്നും 29 സാമ്പിളുകള് ഉള്പ്പെടെ ആകെ 415 സാമ്പിളുകള് പരിശോധനയ്ക്കായി അയച്ചിട്ടുണ്ട്. കഴിഞ്ഞ ബുളളറ്റിനുശേഷം 78 നെഗറ്റീവ് പരിശോധന ഫലം ലഭിച്ചിട്ടുണ്ട്. ജില്ലയില് ഇന്നുവരെ അയച്ച സാമ്പിളുകളില് 12 എണ്ണം പൊസിറ്റീവായും 415 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 51 സാമ്പിളുകളുടെ ഫലം ലഭിക്കാനുണ്ട്.
ജില്ലയുടെ അതിരുകളില് 150 ടീമുകള് ഇന്ന് ആകെ 4224 യാത്രികരെ സ്ക്രീന് ചെയ്തു. ഇവരില് രോഗലക്ഷണങ്ങള് ഉളള ഒരാളെ കണ്ടെത്തി ഇയാളെ പരിശോധിച്ചു ചികിത്സ നല്കിയ ശേഷം ഹോം ഐസൊലേഷനില് പ്രവേശിപ്പിക്കുകയും ചെയ്തു. ആകെ 3781 പേര്ക്ക് ബോധവത്ക്കരണം നല്കി.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 80 കോളുകളും, ദുരന്തനിവാരണ വിഭാഗത്തിന്റെ കണ്ട്രോള് റൂമില് 103 കോളുകളും ലഭിച്ചു. വിദേശ രാജ്യങ്ങളില് നിന്ന് എത്തിയവരെ സംബന്ധിച്ച് 16 കോളുകള് ലഭിച്ചു. മറ്റ് സംസ്ഥാനങ്ങളില് നിന്ന് എത്തിയവരെ സംബന്ധിച്ച് ഒന്പതു കോളുകള് ലഭിച്ചു. ക്വാറന്റൈനില് കഴയേണ്ട ആളുകള് പുറത്തിറങ്ങി നടക്കുന്നത് സംബന്ധിച്ച് ഒരു കോളും ലഭിച്ചില്ല.
അഞ്ച് ഗവണ്മെന്റ് ആരോഗ്യസ്ഥാപനങ്ങളില് നടത്തിയ പരിശീലന പരിപാടിയില് ആകെ 11 ഡോക്ടര്മാര്, 34 നഴ്സുമാര്, 28 മറ്റ് ജീവനക്കാര് എന്നിവര് ഉള്പ്പെടെ 73 പേര്ക്ക് പരിശീലനം നല്കി. 579 അതിഥി തൊഴിലാളികളെ ലേബര് വകുപ്പിന്റെ സഹകരണത്തോടുകൂടി സ്ക്രീനിംഗിന് വിധേയമാക്കി. ഇവരില് ഒരാള്ക്ക് രോഗലക്ഷണം കണ്ടെത്തി ഇവരെ ഐസൊലേഷനില് പ്രവേശിപ്പിച്ചു. ജില്ലയിലെ എല്ലാ താലൂക്കുകളിലും അതിഥി സംസ്ഥാന തൊഴിലാളികള്ക്കുളള കോള് സെന്ററുകള് ആരംഭിച്ചു. ഈ കോള് സെന്ററുകള് അതിഥി സംസ്ഥാന തൊഴിലാളികളുടെ ചികിത്സ, ചികിത്സേതര ആവശ്യങ്ങള് നിറവേറ്റുന്നതിനായി പ്രവര്ത്തിക്കും.
ഇന്ന് ഗൃഹസന്ദര്ശന പരിപാടിയില് പങ്കെടുത്ത വോളന്റിയര്മാര് ആകെ 4193 വീടുകള് സന്ദര്ശിച്ചു. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം ആറിന് ജില്ലാ കളക്ടറുടെ ചേമ്പറില് നടന്നു.
