കാസര്ഗോഡ് : പത്താം ക്ലാസില് പഠിക്കുന്ന വിദ്യാര്ത്ഥിനിക്ക് കൊറോണ സ്ഥിരീകരിച്ചു. കാഞ്ഞങ്ങാട് ദുര്ഗ ഹയര്സെക്കന്ററി സ്കൂളില് പരീക്ഷ എഴുതിയ വിദ്യാര്ത്ഥിയിലാണ് രോഗം സ്ഥിരീകരിച്ചത്.
വ്യാഴാഴ്ച മൂന്നു പേര്ക്ക് ജില്ലയില് രോഗം സ്ഥിരീകരിച്ചിരുന്നു. ഇതില് ഒരാളുടെ മകള്ക്കാണ് രോഗം സ്ഥിരീകരിച്ചത്. സ്കൂളിലെ പത്ത് എഫ് ഡിവിഷനിലാണ് കുട്ടി പഠിച്ചിരുന്നത്. എന്നാല് പത്ത് എ ക്ലാസിലാണ് കുട്ടി പരീക്ഷ എഴുതിയത്. ഈ ക്ലാസില് പരീക്ഷ എഴുതിയ എല്ലാ കുട്ടികളും സഹപാഠികളും നിരീക്ഷണത്തില് കഴിയണമെന്ന് ആരോഗ്യവകുപ്പ് നിര്ദേശിച്ചു. പ്രാഥമിക സമ്പർക്കത്തിൽ ഏര്പ്പെട്ട കുട്ടിക്കാണ് രോഗം സ്ഥിരീകരിച്ചിരിക്കുന്നത്.
കഴിഞ്ഞദിവസം, കാസര്കോട് ജില്ലയില് പതിനൊന്നിനും അമ്ബത്തിയാറ് വയസിനും ഇടയിലുള്ള 34 പേര്ക്കാണ് കൊറോണ ബാധ പുതിയതായി സ്ഥിരീകരിച്ചത്.