മുംബൈ : രാജ്യത്ത് തന്നെ ആദ്യമായി മുംബൈയില് പോഡ് ടാക്സി സംവിധാനം വരുന്നു. ബാന്ദ്രാ റെയില്വേ സ്റ്റേഷന്മുതല് ബാന്ദ്രാ-കുര്ള കോംപ്ലക്സ് (ബി.കെ.സി.) വഴി കുര്ള റെയില്വേ സ്റ്റേഷന്വരെയുള്ള 8.8 കിലോമീറ്ററിലാണ് പുതിയ ഗതാഗതസംവിധാനം പരീക്ഷിക്കുന്നത്. 1016.38 കോടിരൂപയാണ് പോഡ് ടാക്സി എന്നറിയപ്പെടുന്ന ഈ ഓട്ടോമേറ്റഡ് റാപിഡ് ട്രാന്സിറ്റ് ട്രാന്സ്പോര്ട്ട് സംവിധാനത്തിനായി ചെലവഴിക്കുന്നത്.
ഡ്രൈവറില്ലാതെ മേല്പ്പാതയിലൂടെ ഓടുന്ന പോഡ് ടാക്സിയില് ആറുപേര്ക്ക് സഞ്ചരിക്കാനാകും. 3.5 മീറ്റര്നീളവും 1.47 മീറ്റര്വീതിയും 1.8 മീറ്റര് ഉയരവുമായിരിക്കും പോഡ് ടാക്സികള്ക്കുണ്ടാവുക. മണിക്കൂറില് 40 കിലോമീറ്റര് വേഗത്തിലാണ് സഞ്ചാരം. ബാന്ദ്രാ, കുര്ള റെയില്വേ സ്റ്റേഷനുകള്ക്കിടയില് 38 സ്റ്റേഷനുകളാകും പോഡ് ടാക്സിക്കുണ്ടാവുക.
