തിരുവനന്തപുരം : നെടുമങ്ങാട് ഫ്ലാറ്റില് യുവതിയെയും യുവാവിനെയും തീകൊളുത്തി ആത്മഹത്യ ചെയ്ത നിലയില് കണ്ടെത്തി. ആനാട് സ്വദേശികളായ ബിന്ദു (29), അഭിലാഷ് (38) എന്നിവരാണ് മരിച്ചത്. സംഭവ സമയത്ത് ബിന്ദുവിന്റെ മകള് പുറത്തേക്ക് ഓടിയതിനാല് രക്ഷപ്പെടുകയായിരുന്നുവെന്ന് പോലീസ് പറഞ്ഞു. ആനാട് കാര്ഷിക വികസന ബാങ്കിനു എതിര്വശത്തായാണ് ഫ്ലാറ്റ്. വിദേശത്തായിരുന്ന അഭിലാഷ് ബുധനാഴ്ചയാണ് നാട്ടിലെത്തിയത്. വിവാഹമോചനം നേടിയശേഷമാണ് ബിന്ദു അഭിലാഷിനൊപ്പം താമസം ആരംഭിച്ചത്. അഭിലാഷ് അവിവാഹിതനാണ്. ആത്മഹത്യയുടെ കാരണം വ്യക്തമല്ല.
