പത്തനംതിട്ട : പത്തനംതിട്ട നഗരസഭയുടെ പരിധിയിലുള്ള കോടതികളില്‍ ഫയര്‍ഫോഴ്‌സിന്റെ നേതൃത്വത്തില്‍ അണുനശീകരണം നടത്തി. ജില്ലാ കോടതി, അഡീഷണല്‍ ജില്ലാ കോടതികള്‍, ചീഫ് ജുഡീഷ്യല്‍ മജിസ്‌ട്രേറ്റ് കോടതി, സബ്‌കോടതി, എം.എ.സി.റ്റി, മജിസ്‌ട്രേറ്റ് കോടതികള്‍, കുടുംബകോടതി, മുന്‍സിഫ് കോടതി, ജില്ലാ ലീഗല്‍ സര്‍വീസ് അതോറിറ്റി എന്നിവിടങ്ങളിലാണ് അണുനശീകരണം നടത്തിയത്. ജില്ലാ ജഡ്ജി സാനു എസ്.പണിക്കര്‍, ചീഫ് ജുഡീഷ്യല്‍ മജിസ്‌ട്രേറ്റ് കെ.എന്‍.ഹരികുമാര്‍ എന്നിവരുടെ സാന്നിധ്യത്തില്‍ നടത്തിയ നടത്തിയ അണുനശീകരണത്തിന് പത്തനംതിട്ട ഫയര്‍ഫോഴ്‌സ് യൂണിറ്റിലെ ഫയര്‍ ഓഫീസര്‍ വി.വിനോദ് കുമാര്‍, സിവില്‍ ഡിഫന്‍സ് വോളണ്ടിയര്‍മാര്‍ എന്നിവര്‍ നേതൃത്വം നല്‍കി.
