തിരുവനന്തപുരം : കോവിഡ് മാനദണ്ഡങ്ങള് ലംഘിച്ചതിന് രജിസ്റ്റര് ചെയ്ത ഗുരുതര സ്വഭാവമില്ലാത്ത പോലീസ് കേസുകള് പിന്വലിക്കുന്നു. ഇതിനായി സര്ക്കാര് മാര്ഗനിര്ദേശങ്ങള് പുറത്തിറക്കി. അക്രമസ്വഭാവമില്ലാത്തതും ഗുരുതരമല്ലാത്തതുമായ കേസുകള് പിന്വലിക്കുന്നതിനാണ് സര്ക്കാര് ഉത്തരവില് നിര്ദ്ദേശമുള്ളത്. കോവിഡ് കാലത്ത് സംസ്ഥാനത്ത് 1,40,000ല് അധികം കേസുകളാണ് രജിസ്റ്റര് ചെയ്തത്. വിഷയം പരിശോധിച്ച് റിപ്പോര്ട്ട് സമര്പ്പിക്കുന്നതിന് ആഭ്യന്തര സെക്രട്ടറി ഡോ.വി.വേണു കണ്വീനറായി രൂപവത്കരിച്ച സമിതിയുടെ ശുപാര്ശ സ്വീകരിച്ചാണ് തീരുമാനം.
സാമൂഹിക അകലം പാലിക്കാത്തത്, മാസ്ക് ധരിക്കാത്തത് തുടങ്ങിയ കേസുകളാണ് അധികവും. ആഭ്യന്തര അഡീ. ചീഫ് സെക്രട്ടറിയാണ് കേസുകള് പിന്വലിക്കാന് മാര്ഗ നിര്ദേശങ്ങള് പുറത്തിറക്കിയത്. സുപ്രീംകോടതിയുടെ വിധിയിലെ നിര്ദേശങ്ങള് അനുസരിച്ചും ബന്ധപ്പെട്ട കോടതിയുടെ അനുമതിയോടെയും കേസുകള് അടിയന്തരമായി പിന്വലിക്കാനാണ് ഡിജിപിക്ക് നിര്ദ്ദേശം നല്കിയിരിക്കുന്നത്. ജില്ലകളില് പബ്ലിക് പ്രോസിക്യൂട്ടര്മാര് ഇതിനു മേല്നോട്ടം വഹിക്കണം.
ഐ.പി.സി 188, 269, 290, കേരള പോലീസ് ആക്ടിലെ 118 (ഇ), കേരള എപ്പിഡമിക് ഡിസീസസ് ഓര്ഡിനന്സിലെ വിവിധ വകുപ്പുകള്, ഡിസാസ്റ്റര് മാനേജ്മെന്റ് ആക്ട് എന്നിവ പ്രകാരം എടുത്ത കേസുകളാണ് പിന്വലിക്കുക. സര്ക്കാര് ഉദ്യോഗസ്ഥരുടെ നിര്ദേശങ്ങള് അനുസരിക്കാതിരിക്കുന്നതും നിയന്ത്രണങ്ങള് അവഗണിക്കുന്നതുമാണ് വകുപ്പ് 188 പ്രകരമുള്ള കുറ്റം. ഒരു മാസം മുതല് ആറു മാസം വരെ തടവ് ലഭിക്കാവുന്നതോ 200 രൂപ മുതല് 1000 രൂപ വരെ പിഴ ഈടാക്കാവുന്നതോ ആണിത്.
പൊതുജനാരോഗ്യത്തിനും ജീവനും ഭീഷണിയാകുന്ന രോഗപ്പകര്ച്ചക്ക് കാരണമാവുന്ന വിധം അശ്രദ്ധയോടെ പെരുമാറുന്നതാണ് വകുപ്പ് 269. ആറുമാസം വരെ തടവോ പിഴയും തടവും ഒന്നിച്ചോ ലഭിക്കാവുന്ന കുറ്റമാണിത്. മനഃപൂര്വം സമൂഹസുരക്ഷക്ക് വിഘാതമുണ്ടാക്കുന്ന തരത്തിലോ സമൂഹത്തിന് അപകടകരമായ തരത്തിലോ ഉള്ള പ്രവൃത്തികള് ചെയ്യുന്നതിനെതിരെയാണ് കേരള പോലീസ് ആക്ടിലെ വകുപ്പ് 118 (ഇ). മൂന്ന് വര്ഷം വരെ തടവും 10,000 രൂപ വരെ പിഴയുമാണ് ഈ വകുപ്പ് വ്യവസ്ഥ ചെയ്യുന്നത്.
കോവിഡ് കാലത്ത് സംസ്ഥാനത്താകെ 1.40 ലക്ഷം കേസ് രജിസ്റ്റര് ചെയ്തിട്ടുണ്ടെന്നാണ് കണക്ക്. ഇതില് സാമൂഹിക അകലം പാലിക്കാത്തത്, മാസ്ക് ധരിക്കാത്തത് തുടങ്ങിയവയുമായി ബന്ധപ്പെട്ടവ പിന്വലിക്കും. പി.എസ്.സി ഉദ്യോഗാര്ഥികള് നടത്തിയ സമരവുമായി ബന്ധപ്പെട്ടതുള്പ്പെടെ ജനകീയ സ്വഭാവത്തില് പൊതുമുതല് നശീകരണവും അക്രമവും ഇല്ലാത്ത സമരങ്ങളില് രജിസ്റ്റര് ചെയ്ത കേസുകളും പിന്വലിക്കുന്നതില് ഉള്പ്പെടും.
കോവിഡ് മാനദണ്ഡങ്ങള് ലംഘിച്ചതിനു രജിസ്റ്റര് ചെയ്ത ഗുരുതര സ്വഭാവമില്ലാത്ത കേസുകള് സിആര്പിസി 321 അനുസരിച്ച് പിന്വലിക്കാന് ഒക്ടോബര് 30ന് ചേര്ന്ന യോഗമാണ് തീരുമാനിച്ചത്. ആഭ്യന്തര വകുപ്പ് അഡീഷണല് ചീഫ്സെക്രട്ടറി, നിയമ വകുപ്പ് സെക്രട്ടറി, ഡിജിപി എന്നിവര് അംഗങ്ങളായ കമ്മിറ്റിയുടെതാണ് തീരുമാനം.
നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യുക
ദിനപ്പത്രങ്ങളിലെ പരസ്യത്തിന്റെ ആയുസ്സ് കേവലം നിമിഷങ്ങള് മാത്രമാണ്, തന്നെയുമല്ല താലൂക്ക് തലത്തിലോ ജില്ല മുഴുവനോ പ്രസിദ്ധീകരിക്കുന്ന ആ ബ്ലാക്ക് ആന്ഡ് വൈറ്റ് പരസ്യത്തിന് നിങ്ങള് നല്കുന്നത് വന് തുകയാണ്. എന്നാല് ഓണ് ലൈന് വാര്ത്താ ചാനലില് നല്കുന്ന പരസ്യം ലോകമെങ്ങും കാണും, ഒരു നിമിഷത്തേക്കല്ല – ഒരു മാസമാണ് ഈ പരസ്യം ഡിസ്പ്ലേ ചെയ്യപ്പെടുന്നത്. അതും വളരെ കുറഞ്ഞ നിരക്കില്.
————————–
ദിവസേന നൂറിലധികം വാര്ത്തകള് പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന് നിര മാധ്യമങ്ങള്ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്ത്തകള്ക്ക് കൂടുതല് പരിഗണന നല്കുന്നതോടൊപ്പം കേരളത്തിലെ വാര്ത്തകളും ദേശീയ – അന്തര്ദേശീയ വാര്ത്തകളും അപ്പപ്പോള് ജനങ്ങളിലേക്ക് എത്തിക്കുന്നുണ്ട്. വാര്ത്തകള് വായിക്കുവാന് ഒരാള് നിരവധി തവണ പത്തനംതിട്ട മീഡിയയില് കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്ട്ടലില് പരസ്യം നല്കുവാന് 70255 53033 / 0468 295 3033 /233 3033 mail – [email protected]
