ന്യൂ ഡല്ഹി : കോവിഡ് വ്യാപനം രൂക്ഷമായ സാഹചര്യത്തില് രാജ്യത്തെ വിദ്യാഭ്യാസ സ്ഥാപനങ്ങള് ഉടന് തുറക്കാനിടയില്ലെന്നു റിപ്പോര്ട്ട്. വിദ്യാഭ്യാസ മന്ത്രാലയം ഇന്നലെ ചേര്ന്ന യോഗത്തില് നിലവിലെ സാഹചര്യം അനുകൂലമല്ലെന്നു വിലയിരുത്തല് നടത്തി. ഈ അക്കാദമിക വര്ഷത്തെ സീറോ അക്കാദമിക് ഇയര് ആയി പരിഗണിക്കാനും ആലോചനയുണ്ട്. കൂടുതല് വിവരങ്ങള് ലഭ്യമായിട്ടില്ല.
രാജ്യത്തെ കോവിഡ് ബാധിതരുടെ എണ്ണം 22 ലക്ഷം കടന്നിരിക്കുകയാണ്. കഴിഞ്ഞ 24 മണിക്കൂറിനിടെ 53,601 പേര്ക്ക് കൂടി കൊവിഡ് സ്ഥിരീകരിച്ചതോടെ രാജ്യത്ത് ആകെ രോഗബാധിതരുടെ എണ്ണം 22,68,675 ആയി. 871 കൊവിഡ് മരണങ്ങള് കൂടി സ്ഥിരീകരിച്ചപ്പോള് ആകെ മരണസംഖ്യ 45,257 ആയി. 1.99 ശതമാനമാണ് മരണ നിരക്കെന്ന് കേന്ദ്ര ആരോഗ്യമന്ത്രാലയം പുറത്ത് വിട്ട കണക്കുകളില് നിന്നും വ്യക്തമാകുന്നത്.
