അബുദാബി : മറ്റ് എമിറേറ്റുകളില് നിന്ന് അബുദാബിയിലേക്കുള്ള പ്രവേശന മാനദണ്ഡം കര്ശനമാക്കാനൊരുങ്ങുന്നു. ഇന്ന് മുതലാണ് പ്രവേശന നടപടികള് കര്ശനമാക്കുന്നത്. കൊവിഡ് വ്യാപനത്തിന്റെ പശ്ചാത്തലത്തിലാണ് നടപടി. കോവിഡ് വാക്സിന് എടുത്തവര്ക്കും വാക്സിന് പരീക്ഷണത്തില് പങ്കാളികളായവര്ക്കും ഇളവുകള് നല്കുന്നുണ്ട്. ഇവര് അല്ഹൊസന് ആപ്പില് ‘ഇ’, സ്വര്ണനിറത്തിലുള്ള ‘സ്റ്റാര്’ എന്നിവയാണ് തെളിവായി കാണിക്കേണ്ടത്.
അതേസമയം അതിര്ത്തി കടക്കുന്നതിന് 48 മണിക്കൂറിനകം എടുത്ത പിസിആര്/ഡിപിഐ നെഗറ്റീവ് സര്ട്ടിഫിക്കറ്റ് നിര്ബന്ധമായി കരുതിയിരിയ്ക്കണം. നിലവില് 72 മണിക്കൂറിനകം എടുത്ത പിസിആര് ടെസ്റ്റ് മതിയായിരുന്നു. ദിവസം നിയമലംഘകര്ക്ക് 5000 ദിര്ഹം വീതമാണു പിഴ. തുടര്ച്ചയായി 4 ദിവസം അബുദാബിയില് തങ്ങുന്നവര് നാലാം ദിവസവും 8 ദിവസത്തിലേറെ തങ്ങുന്നവര് എട്ടാം ദിവസവും പിസിആര് ടെസ്റ്റ് എടുത്തിരിക്കണമെന്നും നിര്ദ്ദേശമുണ്ട്.
