പത്തനംതിട്ട കളക്ടറേറ്റ് : ജില്ലയില് ഇന്ന് എട്ടു പേര്ക്ക് കോവിഡ്-19 സ്ഥിരീകരിച്ചു. 1) ജൂണ് 18ന് കുവൈറ്റില് നിന്നും എത്തിയ കാട്ടൂര് സ്വദേശിയായ 36 വയസുകാരന്, 2) ജൂണ് ഒന്പതിന് മഹാരാഷ്ട്രയില് നിന്നും എത്തിയ കവിയൂര് സ്വദേശിനിയായ 54 വയസുകാരി, 3) ജൂണ് 13 ന് മഹാരാഷ്ട്രയില് നിന്നും എത്തിയ റാന്നി സ്വദേശിയായ 24 വയസുകാരന്, 4) ജൂണ് 13 ന് കുവൈറ്റില് നിന്നും എത്തിയ തുവയൂര് നോര്ത്ത് മണക്കാല സ്വദേശിയായ 34 വയസുകാരന്, 5) ജൂണ് 13 ന് കുവൈറ്റില് നിന്നും എത്തിയ പളളിക്കല് പെരിങ്ങനാട് സ്വദേശിയായ 61 വയസുകാരന്, 6) ജൂണ് 13 ന് കുവൈറ്റില് നിന്നും എത്തിയ പളളിക്കല് പെരിങ്ങനാട് സ്വദേശിയായ 37 വയസുകാരന്, 7) ജൂണ് 13 ന് കുവൈറ്റില് നിന്നും എത്തിയ പളളിക്കല് ചെറുകുന്നം സ്വദേശിയായ 39 വയസുകാരന്, 8) ജൂണ് 12 ന് കുവൈറ്റില് നിന്നും എത്തിയ കോന്നി പയ്യനാമണ് സ്വദേശിയായ 28 വയസുകാരന് എന്നിവര്ക്കാണ് ജില്ലയില് ഇന്ന് രോഗം സ്ഥിരീകരിച്ചത്.
ജില്ലയില് ഇതുവരെ ആകെ 194 പേര്ക്ക് രോഗം സ്ഥിരീകരിച്ചിട്ടുണ്ട്. കൂടാതെ കോട്ടയം ജില്ലയില് രോഗം സ്ഥിരീകരിച്ച ഒരു വ്യക്തി പത്തനംതിട്ട ജനറല് ആശുപത്രിയില് ചികിത്സയില് ഉണ്ട്. കോവിഡ് മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്. ഇന്ന് ജില്ലയില് ചികിത്സയില് ഉണ്ടായിരുന്ന ഒരാള് രോഗമുക്തനായി. ആകെ രോഗമുക്തരായവരുടെ എണ്ണം 67 ആണ്. കൂടാതെ ആലപ്പുഴ ജില്ലയില് രോഗം സ്ഥിരീകരിച്ച് റാന്നി മേനാംതോട്ടം സിഎഫ്എല്ടിസിയില് ചികിത്സയില് ആയിരുന്ന വ്യക്തിയും രോഗമുക്തയായി. നിലവില് ജില്ലയില് 126 പേര് രോഗികളായിട്ടുണ്ട്. ഇതില് 121 പേര് ജില്ലയിലും അഞ്ചു പേര് ജില്ലയ്ക്ക് പുറത്തും ചികിത്സയിലാണ്. പത്തനംതിട്ട ജനറല് ആശുപത്രിയില് 53 പേരും കോഴഞ്ചേരി ജില്ലാ ആശുപത്രിയില് ഒന്പതു പേരും റാന്നി മേനാംതോട്ടം സിഎഫ്എല്ടിസിയില് 68 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് ഏഴു പേര് ഐസൊലേഷനില് ഉണ്ട്. ജില്ലയില് ആകെ 137 പേര് വിവിധ ആശുപത്രികളില് ഐസോലേഷനില് ആണ്.
ഇന്ന് പുതിയതായി 11 പേരെ ഐസൊലേഷനില് പ്രവേശിപ്പിച്ചു.
ജില്ലയില് 564 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3255 പേരും വിദേശത്തുനിന്നും തിരിച്ചെത്തിയ 1506 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 167 പേരും മറ്റ് സംസ്ഥാനങ്ങളില് നിന്നും ഇന്ന് എത്തിയ 279 പേരും ഇതില് ഉള്പ്പെടുന്നു.
ആകെ 5325 പേര് നിരീക്ഷണത്തിലാണ്. ജില്ലയില് വിദേശത്തുനിന്നും, മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 135 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 1149 പേര് താമസിക്കുന്നുണ്ട്.
ജില്ലയില് നിന്ന് ഇന്ന് 239 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 12443 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 17 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നു വരെ അയച്ച സാമ്പിളുകളില് 190 എണ്ണം പൊസിറ്റീവായും 10820 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 1099 സാമ്പിളുകളുടെ ഫലം ലഭിക്കാനുണ്ട്.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 56 കോളുകളും ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 133 കോളുകളും ലഭിച്ചു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 1214 കോളുകള് നടത്തുകയും 132 പേര്ക്ക് കൗണ്സലിംഗ് നല്കുകയും ചെയ്തു.
ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേമ്പറില് കൂടി.
