ന്യൂഡല്ഹി : രാജ്യത്തെ കോവിഡ് കേസുകളില് വീണ്ടും വന് വര്ധന. 15,940 പേര്ക്കാണ് കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചത്. ഇതോടെ ഇന്ത്യയിലെ ആകെ രോഗബാധിതരുടെ എണ്ണം 4,33,78,234 ആയി ഉയര്ന്നു. 91,779 പേര്ക്കാണ് നിലവില് രോഗം സ്ഥിരീകരിച്ചത്. 12,425 പേര്ക്ക് രോഗമുക്തിയുണ്ടായി. 98.58 ശതമാനമാണ് രാജ്യത്തെ കോവിഡ് രോഗമുക്തി നിരക്ക്.
196.94 കോടി ഡോസ് വാക്സിന് ഇതുവരെ നല്കിയെന്നും കേന്ദ്ര ആരോഗ്യമന്ത്രാലയം അറിയിച്ചു. അതേസമയം മഹാരാഷ്ട്ര ഉള്പ്പടെ പല സംസ്ഥാനങ്ങളിലും കോവിഡ് രോഗികളുടെ എണ്ണം കുറയുകയാണ്. വ്യാഴാഴ്ച മഹാരാഷ്ട്രയില് 5,218 പേര്ക്കാണ് കോവിഡ് സ്ഥിരീകരിച്ചത്. വെള്ളിയാഴ്ച കോവിഡ് രോഗികളുടെ എണ്ണം 20 ശതമാനം കുറഞ്ഞ് 4,205 ആയിരുന്നു.