ന്യൂഡല്ഹി: രാജ്യത്ത് കോവിഡ് കണക്കുകള് ആശ്വാസത്തിന് വകനല്കാതെ ഉയര്ന്ന നിരക്കില് തുടരുന്നു. കഴിഞ്ഞ 24 മണിക്കൂറിനിടെ 3,62,727 പേര്ക്കാണ് വൈറസ് ബാധ സ്ഥിരീകരിച്ചത്. 4120 പേര് മരിക്കുകയും ചെയ്തു. 3,52,181 പേര് രോഗമുക്തി നേടി. രാജ്യത്ത് ആകെ റിപ്പോര്ട്ട് ചെയ്ത രോഗികളുടെ എണ്ണം 2,37,03,665 ആയി. 2,58,317 പേരാണ് ആകെ മരിച്ചത്. നിലവില് 37,10,525 പേര് ചികിത്സയില് തുടരുന്നുണ്ട്.
മഹാരാഷ്ട്രയിലാണ് കഴിഞ്ഞ ദിവസം ഏറ്റവും കൂടുതല് പേര്ക്ക് രോഗം റിപ്പോര്ട്ട് ചെയ്തത് – 46,781. പിന്നാലെ 43,529 രോഗികളുമായി കേരളം രണ്ടാമതുണ്ട്. കര്ണാടകയില് 39,998ഉം തമിഴ്നാട്ടില് 30,355ഉം കേസുകളാണ് ഇന്നലെ റിപ്പോര്ട്ട് ചെയ്തത്. അതേസമയം ഡല്ഹിയിലും യു.പിയിലും കോവിഡ് നിരക്ക് കുറഞ്ഞുവരുന്നത് ആശ്വാസത്തിനിടയാക്കുന്നു. ഡല്ഹിയില് 13,287 പേര്ക്കാണ് പുതിയതായി രോഗം സ്ഥിരീകരിച്ചത്. യു.പിയില് 18,125 പേര്ക്കാണ് രോഗബാധ.
