കൊല്ക്കത്ത: കൊവിഡ് വാക്സിന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്രമോദിയുടെ ചിത്രം മാറ്റി പശ്ചിമ ബംഗാള് സര്ക്കാര്. പകരം മുഖ്യമന്ത്രി മമത ബാനര്ജിയുടെ ചിത്രമാണ് ഇനി മുതല് വാക്സിന് സര്ട്ടിഫിക്കറ്റില് നല്കുക.
സംസ്ഥാനങ്ങള് പണം കൊടുത്ത് വാങ്ങുന്ന 18 വയസിനും 45 വയസിനും ഇടയില് പ്രായമുള്ളവരുടെ വാക്സിന് സര്ട്ടിഫിക്കറ്റിലാണ് മമതയുടെ ചിത്രങ്ങള് ഉള്ളത്. കേന്ദ്രത്തില് നിന്ന് സംസ്ഥാനങ്ങള്ക്ക് നല്കുന്ന 45 വയസിന് മുകളിലുള്ളവര്ക്ക് നല്കുന്ന വാക്സിനുകളുടെ സര്ട്ടിഫിക്കറ്റില് പ്രധാനമന്ത്രിയുടെ ചിത്രം തന്നെയാണ് ഉള്ളത്.
സര്ക്കാര് നിര്മ്മാതാക്കളില് നിന്ന് നേരിട്ട് വാക്സിനുകള് വാങ്ങാനും കുത്തിവെയ്പ് ക്രമീകരിക്കാനും തുടങ്ങി. അതുകൊണ്ടാണ് മുഖ്യമന്ത്രിയുടെ ഫോട്ടോ സര്ട്ടിഫിക്കറ്റുകളില് ഉപയോഗിക്കാന് തീരുമാനിച്ചത് – എന്നാണ് വാര്ത്താ ഏജന്സികളോട് മുതിര്ന്ന ഒരു ഉദ്യോഗസ്ഥന് പറഞ്ഞത്.
