ആലപ്പുഴ : കോവിഡ് മരണവുമായി ബന്ധപ്പെട്ട മൃതദേഹങ്ങള് വിട്ടു നല്കുന്നതില് കാലതാമസമുണ്ടാകുമെന്ന സൂചന നല്കി ആലപ്പുഴ മെഡിക്കല് കോളേജ് സൂപ്രണ്ട് ഡോ. ആര്.വി. രാംലാല്. അണുവിമുക്തമാക്കിയ മൃതദേഹം മൂന്നു ലെയര് കവര് ചെയ്തു ബാഗിലാക്കിയാണ് ബന്ധുക്കള്ക്ക് കൈമാറുന്നത്. ഇതിന് സമയവും ആള്ബലവും ആവശ്യമാണ്.
ചിലയിടങ്ങളില് മൃതദേഹം ആളുമാറി കൈകാര്യം ചെയ്തെന്ന പരാതി നിലവിലുണ്ട്. ഓരോ ഘട്ടത്തിലും മൃതദേഹം കൃത്യമായി ലേബല് ചെയ്ത് ആളെ ഉറപ്പാക്കിയ ശേഷമാണ് മോര്ച്ചറിയില് നിന്ന് ബന്ധുക്കളെ ഏല്പ്പിക്കുന്നത്. സാഹചര്യത്തിന്റെ ഗൗരവം മനസ്സിലാക്കി പൊതുജനങ്ങള് സഹകരിക്കണമെന്ന് സൂപ്രണ്ട് അഭ്യര്ത്ഥിച്ചു.
