പത്തനംതിട്ട : കോവിഡ് മഹാമാരി മാനവരാശിക്കുനേരെ സംഹാര താണ്ഡവമാടുകയാണ്. ലക്ഷക്കണക്കിന് മനുഷ്യജീവനുകള് ഭൂമുഖത്തുനിന്നും തുടച്ചുനീക്കപ്പെട്ടു. ഉറ്റവരും ഉടയവരും നഷ്ടപ്പെട്ട് അനാധരായവര്, ജീവിതം വഴിമുട്ടി, ഇനി എന്തുചെയ്യണമെന്ന് അറിയാതെ തേങ്ങുന്നവര്. കുടുംബത്തിന്റെ സംരക്ഷകരായിരുന്നവരുടെ പെട്ടെന്നുള്ള വേര്പാടില് ശൂന്യതയിലേക്ക് നോക്കിയിരിക്കുന്നവര് …….
ഇവര്ക്ക് ആശ്വാസത്തിന്റെ തിരിനാളവുമായി ഇതാ ഒരു വൈദികന് …ഫാദര് ഡേവിസ് ചിറമേല്.
കോവിഡ് മരണത്തിലൂടെ അനാഥരായ കുടുംബങ്ങള്ക്ക് കൈത്താങ്ങുമായി ഈ വൈദികന് കൂടെയുണ്ട്. ഇദ്ദേഹത്തോടൊപ്പം ചില സുമനസ്സുകളും ചേരുമ്പോള് നടപ്പിലാകുന്നത് ദൈവത്തിന്റെ പദ്ധതിയാണ്. നിരാലംബരായ കുടുംബങ്ങള്ക്ക് ആദ്യപടിയായി അന്പതിനായിരം രൂപ വീതം നല്കുകയാണ്. അര്ഹതപ്പെട്ടവര്ക്ക് ബന്ധപ്പെടാം ….താല്പ്പര്യമുള്ള സുമനസ്സുകള്ക്ക് ഈ ഉദ്യമത്തില് പങ്കാളിയുമാകാം…
ഓര്ക്കുക …നമ്മള് കടന്നുപോകുമ്പോള് നമ്മുടെ കൈകള് ശൂന്യമായിരിക്കും. എന്നാല് ചെയ്ത നല്ല പ്രവര്ത്തികള് എന്നും ഓര്മ്മിക്കപ്പെടും.