മലപ്പുറം: സംസ്ഥാനത്ത് ഒരു കൊവിഡ് മരണം കൂടി. അട്ടപ്പാടി സ്വദേശി നിഷയാണ് മരിച്ചത്. 24 വയസായിരുന്നു. മഞ്ചേരി മെഡിക്കല് കോളേജില് ചികിത്സയിലായിരുന്നു. സംസ്ഥാനത്ത് ഇന്നലെ നാല് മരണങ്ങളാണ് കൊവിഡ്19 മൂലമാണെന്ന് സ്ഥിരീകരിച്ചത്.
ഓഗസ്റ്റ് 22ന് മരണമടഞ്ഞ എറണാകുളം രാജഗിരി സ്വദേശി എന്.വി. ഫ്രാന്സിസ് (76), ഓഗസ്റ്റ് 23ന് മരണമടഞ്ഞ കാസര്കോട് അരായി സ്വദേശി ജീവക്യന് (64), ഓഗസ്റ്റ് 24ന് മരണമടഞ്ഞ കാസര്ഗോഡ് രാവണേശ്വരം സ്വദേശി കെ. രമേശന് (45), ഓഗസ്റ്റ് 26ന് മരണമടഞ്ഞ തിരുവനന്തപുരം എല്ലുവിള സ്വദേശി സോമന് (67) എന്നിവരാണ് മരണമടഞ്ഞത്. ഇതോടെ ആകെ മരണം 298 ആയി.
സംസ്ഥാനത്ത് ഇന്നലെ 1140 പേര്ക്കാണ് കൊവിഡ് സ്ഥിരീകരിച്ചത്. ഇതില് 1059 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.158 പേരുടെ സമ്പര്ക്ക ഉറവിടം വ്യക്തമല്ല. കഴിഞ്ഞദിവസം രോഗം സ്ഥിരീകരിച്ചവരില് 14 പേര് വിദേശ രാജ്യങ്ങളില് നിന്നും 36 പേര് മറ്റ് സംസ്ഥാനങ്ങളില് നിന്നും വന്നതാണ്.
