കോഴിക്കോട് : സംസ്ഥാനത്ത് വീണ്ടും കൊവിഡ് മരണം. കണ്ണൂര് ധര്മ്മടം സ്വദേശി ആസിയ(63)യാണ് മരിച്ചത്. കോഴിക്കോട് മെഡിക്കല് കോളേജില് കൊവിഡ് ചികിത്സയിലായിരുന്നു ഇവര്. രാത്രിയോടെയാണ് മരണം സംഭവിച്ചത്. രണ്ടുദിവസമായി ഗുരുതരാവസ്ഥയിലായിരുന്ന ആസിയക്ക് വൈകിട്ടോടെ ഹൃദയാഘാതം ഉണ്ടാവുകയും തുടര്ന്ന് രാത്രിയോടെ മരിക്കുകയുമായിരുന്നു. ഈ മാസം 17 ന് കോഴിക്കോട്ടെ സ്വകാര്യ ആശുപത്രിയില് ആയിഷയെ പ്രവേശിപ്പിച്ചു. ഇവിടുത്തെ ചികിത്സയ്ക്കിടെ ആണ് കൊവിഡ് സ്ഥിരീകരിച്ചത്.
ഇവര്ക്ക് രോഗം പകര്ന്നത് എവിടെ നിന്നാണെന്ന് വ്യക്തതയില്ല. ഇവരുമായി സമ്പര്ക്കം പുലര്ത്തിയ ആളുകളെ കണ്ടെത്താനുള്ള ശ്രമത്തിലാണ് ആരോഗ്യവകുപ്പ്. ആസിയയുടെ കുടുംബത്തിലെ എട്ടുപേര്ക്ക് കൊവിഡ് സ്ഥിരീകരിച്ചിട്ടുണ്ട്. പക്ഷാഘാതം വന്നതിനെ തുടര്ന്ന് വര്ഷങ്ങളായി ചികിത്സയിലായിരുന്നു ആസിയ.
