കോട്ടയം : സംസ്ഥാനത്ത് കോവിഡ് ബാധിച്ച് ഒരാള് കൂടി മരിച്ചു. പത്തനംതിട്ട തിരുവല്ല സ്വദേശി ജോഷി(65) ആണ് വെള്ളിയാഴ്ച പുലര്ച്ചെ മരിച്ചത്. കോട്ടയം മെഡിക്കല് കോളേജ് ആശുപത്രിയില് ചികിത്സയില് കഴിയുകയായിരുന്നു. അബുദാബിയില് നിന്ന് മേയ് 11നാണ് ഇദ്ദേഹം നാട്ടിലെത്തിയത്. നിരീക്ഷണത്തില് കഴിയവേ നടത്തിയ പരിശോധനയില് കോവിഡ് സ്ഥിരീകരിക്കുകയായിരുന്നു. ഇദ്ദേഹത്തിന് പ്രമേഹരോഗമുണ്ടായിരുന്നു. കേരളത്തിലെ എട്ടാമത്തെ കോവിഡ് മരണമാണിത്. മൃതദേഹം കോവിഡ് പ്രോട്ടോക്കോള് പ്രകാരം സംസ്കരിക്കും.
