സൗദി അറേബ്യ : കോവിഡ് ബാധിച്ച്‌ ചികിത്സയിലായിരുന്ന മലയാളി ജുബൈലിലെ ആശുപത്രിയില്‍ മരിച്ചു. 32 വര്‍ഷമായി ജുബൈലില്‍ ജോലി ചെയ്യുന്ന കൊല്ലം ചിന്നക്കട ലയന്‍സ്‌ ടെന്‍ വീട്ടില്‍ ജോസഫ് എം. ഡാനിയേല്‍ (63)ആണ് മരിച്ചത്. പനിയും ശാരീരികസാസ്ഥ്യങ്ങളും അനുഭവപ്പെട്ടതിനെ തുടര്‍ന്ന് ഈ മാസം 12നാണ് ജുബൈല്‍ ജനറല്‍ ആശുപത്രിയില്‍ പ്രവേശിപ്പിച്ചത്. പിറ്റേന്നു മുതല്‍ വെന്റിലേറ്ററില്‍ ആയിരുന്നെങ്കിലും കഴിഞ്ഞ രണ്ടു ദിവസമായി ആരോഗ്യസ്ഥിതിയില്‍ പുരോഗതിയുണ്ടാവുകയും വെന്റിലേറ്റര്‍ ഭാഗികമായി നീക്കുകയും ചെയ്തിരുന്നു. എന്നാല്‍ പിന്നീട് രോഗം വഷളായതിനെ തുടര്‍ന്ന് ഞായറാഴ്ച ഉച്ചയോടെ മരിക്കുകയായിരുന്നു.
നേരത്തെ എന്‍.എസ്.എച്ച്‌ കമ്പിനിയില്‍ ജോലി ചെയ്തിരുന്ന ജോസഫ് കുറച്ചു വര്‍ഷങ്ങളായി സ്വന്തമായി ട്രേഡിങ് കമ്പിനി നടത്തുകയായിരുന്നു. റോയല്‍ കമ്മീഷനില്‍ ജോലി ചെയ്യുന്ന മകന്‍ ജോസഫ് ഈശോ ഡാനിയേലിന്റെ കൂടെയായിരുന്നു താമസം. ഭാര്യ തിരുവല്ല തെങ്ങുംപള്ളി കുടുംബാംഗം രജനി ഡാനിയേല്‍ നാട്ടിലാണ്.
