മുംബൈ : മുംബൈയില് കോവിഡ് ബാധിച്ച് ചികിത്സയിലായിരുന്ന രണ്ടു മലയാളികള്കൂടി മരിച്ചു. നവിമുംബൈയിലെ സി.ബി.ഡി ബേലാപ്പുരില് പെരിന്തല്മണ്ണ, പാതായിക്കര കൃഷ്ണ നിലയത്തില് പരേതനായ വാസു നാരായണന്റെ ഭാര്യ ജാനകി (77), താനെ, ശാന്തിനഗറിലുള്ള തിരുവനന്തപുരം ആറ്റിങ്ങല് സ്വദേശി ഷണ്മുഖം ഷെട്ടിയാര് (70) എന്നിവരാണ് മരിച്ചത്. ഒരു മാസമായി കല്വ സഫേര് ആശുപത്രിയില് ചികിത്സയിലായിരുന്ന ഷണ്മുഖം. രണ്ടാം പരിശോധനയുടെ ഫലം പ്രതീക്ഷിച്ചുനില്ക്കെയായിരുന്നു മരണം. മറ്റ് അസുഖങ്ങളും ഇദ്ദേഹത്തെ അലട്ടിയിരുന്നു. രോഗം സ്ഥിരീകരിച്ച ഭാര്യ ശാന്ത വീട്ടില് ക്വാറന്റീനിലാണ്. മക്കളായ ഷിബിന്, ഷൈബു എന്നിവര് ഗള്ഫിലാണ്.
കാമോത്തെ എം.ജി.എം ആശുപത്രിയില് ചികിത്സയിലായിരുന്ന ജാനകി വാസു ഞായറാഴ്ചയാണ് മരിച്ചത്. മുംബൈ ഭേലാപ്പൂരില് മകന് ഉണ്ണികൃഷ്ണനോടൊപ്പമാണ് താമസം. ജാനകിയുടെ കുടുംബാംഗങ്ങളെ നിരീക്ഷണത്തില് പാര്പ്പിച്ചിരിക്കുയാണ്. മുംബൈയില് മരിച്ച മലയാളികളുടെ എണ്ണം 20 ആയി.