മസ്കത്ത്: കോവിഡ് ബാധിച്ച് ചികിത്സയിലിരുന്ന പത്തനംതിട്ട സ്വദേശിനി ഒമാനില് മരിച്ചു. വാദികബീറില് താമസിക്കുന്ന ആനന്ദപ്പള്ളി കോളഞ്ഞികൊമ്പില് സാം ജോര്ജിന്റെ ഭാര്യ ബ്ലെസി (37) ആണ് റോയല് ആശുപത്രിയില് മരിച്ചത്.
നിസ്വ ആശുപത്രിയില് നഴ്സായിരുന്ന ബ്ലെസി ഒരുമാസം മുമ്പാണ് രോഗബാധിതയാകുന്നത്. തുടര്ന്ന് ഇബ്ര ആശുപത്രിയില് ചികിത്സയിലായിരുന്നു. നില ഗുരുതരമായതിനെ തുടര്ന്ന് ഒരാഴ്ച മുമ്പാണ് റോയല് ആശുപത്രിയിലേക്ക് മാറ്റിയത്.
വെണ്ണിക്കുളം ഇരുമ്പുകുഴി കുമ്പളോലി കുടുംബാംഗമാണ് പരേത. മക്കള്: കെസിയ സാം, കെവിന് സാം. ഒമാനില് കോവിഡ് ബാധിച്ച് മരിക്കുന്ന ആദ്യ മലയാളി സ്ത്രീയും രണ്ടാമത്തെ ആരോഗ്യ പ്രവര്ത്തകയുമാണ് ഇവര്. ഇതുവരെ 26 മലയാളികളാണ് ഒമാനില് കോവിഡ് ബാധിച്ച് മരിച്ചത്.